കൊച്ചി : മുനമ്പത്തെ ഭൂമി വഖഫ് സ്വത്തല്ലെന്ന് ഹൈക്കോടതി. സിംഗിൾ ബെഞ്ചിന്റെ മുൻ വിധി റദ്ദാക്കിയാണ് ഡിവിഷൻ ബെഞ്ചിന്റെ വിധി . 1950-ലെ രേഖയെ അടിസ്ഥാനമാക്കി, തർക്കത്തിലുള്ള ഭൂമി ഫാറൂഖ് കോളേജിന് ദാനം ചെയ്തുവെന്നും, ആധാരത്തിൽ അത് തിരിച്ചുപിടിക്കാനുള്ള വ്യവസ്ഥകൾ വന്നുകഴിഞ്ഞതിനാൽ ഭൂമി വഖഫ് സ്വത്തല്ലെന്നും കോടതി വ്യക്തമാക്കി.
മുനമ്പം ഭൂമി വഖഫ് സ്വത്താണെന്നും അതുമായി ബന്ധപ്പെട്ട ഏതൊരു നടപടിയും വഖഫ് നിയമപ്രകാരം തുടരണമെന്നുമായിരുന്നു ഹൈക്കോടതിയുടെ സിംഗിൾ ബെഞ്ചിന്റെ വിധി. എന്നാൽ ഡിവിഷൻ ബെഞ്ച് ഇത് തിരുത്തുകയായിരുന്നു. കേരള സംസ്ഥാന സർക്കാർ സമർപ്പിച്ച അപ്പീലിനുള്ള മറുപടിയായാണ് ഡിവിഷൻ ബെഞ്ചിന്റെ വിധി. ഭൂമിയുടെ അവസ്ഥ അന്വേഷിക്കാൻ സർക്കാർ മുമ്പ് ജസ്റ്റിസ് സി.എൻ. രാമചന്ദ്രൻ നായരെ നിയമിച്ചിരുന്നു, എന്നാൽ ഈ കമ്മീഷനെ സിംഗിൾ ബെഞ്ച് റദ്ദാക്കി. തുടർന്ന് സർക്കാർ ഈ തീരുമാനത്തിനെതിരെ അപ്പീൽ നൽകി, അതിന്റെ ഫലമായാണ് ഡിവിഷൻ ബെഞ്ചിന്റെ അനുകൂല വിധി വന്നത്.
ഒരു കമ്മീഷനെ നിയമിക്കാനും ഭൂമി പരിശോധിക്കാനുമുള്ള സർക്കാരിന്റെ അവകാശം കോടതി ശരിവച്ചു. നിലവിലുള്ള നിയമ വ്യവസ്ഥകൾ പ്രകാരം ഭൂമി വഖഫ് സ്വത്തായി തരംതിരിക്കാൻ കഴിയില്ലെന്നും കോടതി വ്യക്തമാക്കി. ഡിവിഷൻ ബെഞ്ചിന്റെ അഭിപ്രായത്തിൽ, 1950-ലെ രേഖയിൽ ഫാറൂഖ് കോളേജിന് ഭൂമി വഖഫ് സ്വത്തായി ആദ്യം നൽകിയിരുന്നെങ്കിലും, തിരിച്ചുപിടിക്കാൻ അനുവദിക്കുന്ന വ്യവസ്ഥയുടെ വന്നതോടെ അത് വഖഫ് ഭൂമി അല്ലാതായി മാറി എന്നും കോടതി വിധിച്ചു.
