കൊച്ചി: കൊച്ചിയിലെ ബാറിൽ മാരകായുധങ്ങൾ ഉപയോഗിച്ച് മോഷണം നടത്തിയ യുവതി ഉൾപ്പെടെ മൂന്ന് പേരെ പോലീസ് അറസ്റ്റ് ചെയ്തു. കൊച്ചിയിലെ വൈറ്റിലയിലെ ബാറിലാണ് സംഭവം. തിരുവനന്തപുരം സ്വദേശി അലീന, കൊല്ലം സ്വദേശികളായ ഷാഹിൻ ഷാ, അൽ അമിൻ എന്നിവരെയാണ് മരട് പോലീസ് അറസ്റ്റ് ചെയ്തത് . കേസിലെ മറ്റ് പ്രതികൾക്കായി അന്വേഷണം തുടരുകയാണെന്ന് പോലീസ് പറഞ്ഞു.
ഞായറാഴ്ച, വൈറ്റിലയിലെ ഒരു ബാറിൽ സംഘം വടിവാളടക്കമുള്ള മാരകായുധങ്ങളുമായി എത്തി. യുവതി ഉൾപ്പെടെ അഞ്ചംഗ സംഘം മദ്യപിച്ചതിനെ തുടർന്ന് മധ്യവയസ്കനുമായി വഴക്കിട്ടു. ഇത് കണ്ട ബാർ ജീവനക്കാരൻ പ്രശ്നം പരിഹരിക്കാൻ എത്തി. ബാർ ജീവനക്കാരനെ സംഘം മർദ്ദിച്ചതിന് പിന്നാലെ സ്ഥലം വിട്ടു. പിന്നീട് അഞ്ച് തവണ കൂടി ആക്രമണം നടത്താൻ സംഘം തിരിച്ചെത്തിയതായി പരാതിയിൽ പറയുന്നു. അക്രമികൾ ബാറിൽ പ്രവേശിക്കുന്നതിന്റെ സിസിടിവി ദൃശ്യങ്ങളും പുറത്തുവന്നു.
Discussion about this post
