കൊൽക്കത്ത : തൃണമൂൽ കോൺഗ്രസിന്റെ പേരും തിരഞ്ഞെടുപ്പ് ചിഹ്നവും തെരഞ്ഞെടുപ്പ് കമ്മീഷൻ മരവിപ്പിച്ചതിന് പിന്നാലെ പുതിയ പേരും തിരഞ്ഞെടുപ്പ് ചിഹ്നവും ഇന്ന് പ്രഖ്യാപിക്കും . ബംഗാളിലെ രണ്ട് സീറ്റുകളിലേക്കുള്ള ഉപതിരഞ്ഞെടുപ്പിന് മുന്നോടിയായിട്ടായിരുന്നു തിരഞ്ഞെടുപ്പ് കമ്മീഷന്റെ ഇടക്കാല ഉത്തരവ് . തൃണമൂൽ കോൺഗ്രസും, വിമത വിഭാഗവും തമ്മിൽ ചിഹ്നവുമായി ബന്ധപ്പെട്ട് തർക്കങ്ങൾ നടക്കുന്നുണ്ടായിരുന്നു.
രണ്ട് വിഭാഗങ്ങളെയും തിരഞ്ഞെടുപ്പ് കമ്മീഷൻ അംഗീകരിച്ചു . ഖണ്ഡിക 15 പ്രകാരം തർക്കത്തിൽ കമ്മീഷൻ അന്തിമ തീരുമാനം എടുക്കും. അന്തിമ തീരുമാനം ഉണ്ടാകുന്നതുവരെ, നടന്നുകൊണ്ടിരിക്കുന്ന ഉപതിരഞ്ഞെടുപ്പുകളിൽ ഒരു വിഭാഗത്തിനും “ഓൾ ഇന്ത്യ തൃണമൂൽ കോൺഗ്രസ്” എന്ന പേരോ അതിന്റെ തിരഞ്ഞെടുപ്പ് ചിഹ്നമോ ഉപയോഗിക്കാൻ കഴിയില്ല.
ഇന്ന് ഇരു വിഭാഗങ്ങളും മൂന്ന് ഇഷ്ടപ്പെട്ട പേരുകളും മൂന്ന് സ്വതന്ത്ര ചിഹ്ന ഓപ്ഷനുകളും കമ്മീഷന് മുന്നിൽ സമർപ്പിക്കണം . കൂടാതെ, സ്വതന്ത്ര ചിഹ്ന പട്ടികയിൽ നിന്ന് രണ്ട് വിഭാഗങ്ങൾക്കും പ്രത്യേക തിരഞ്ഞെടുപ്പ് ചിഹ്നങ്ങൾ അനുവദിക്കും. ഒക്ടോബർ 6 ന് നന്ദിഗ്രാമിലും രാജ്നഗറിലും നടക്കാനിരിക്കുന്ന നിയമസഭാ ഉപതിരഞ്ഞെടുപ്പിന് മുന്നോടിയായാണ് തിരഞ്ഞെടുപ്പ് കമ്മീഷന്റെ തീരുമാനം. ഇരു വിഭാഗങ്ങളും തൃണമൂൽ കോൺഗ്രസ് എന്ന ഐഡന്റിറ്റിയിൽ മത്സരിക്കാൻ തയ്യാറെടുക്കുകയായിരുന്നു.
ഉത്തരവിൽ മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറും തിരഞ്ഞെടുപ്പ് കമ്മീഷണർമാരായ ഡോ. വിവേക് ജോഷിയും ഡോ. സുഖ്ബീർ സിംഗ് സന്ധുവും ഒപ്പുവച്ചിട്ടുണ്ട്.
