ന്യൂഡൽഹി ; ഡിസംബർ 6 മുതൽ 8 വരെ ബംഗാൾ ഉൾക്കടലിൽ മിസൈൽ പരീക്ഷണത്തിന് തയ്യാറെടുക്കുകയാണ് ഇന്ത്യ . മിസൈൽ പരീക്ഷണത്തിന് മുന്നോടിയായി നോട്ടം പുറപ്പെടുവിച്ചിട്ടുണ്ട് . പരീക്ഷണം 1,400 കിലോമീറ്ററിലധികം പരിധിയിൽ എത്താൻ സാധ്യതയുണ്ടെന്നാണ് റിപ്പോർട്ട് . അതുകൊണ്ട് തന്നെ പരീക്ഷിക്കുന്നത് ശക്തവും ദീർഘദൂരവുമായ മിസൈലാകുമെന്നാണ് സൂചന.
NOTAM എന്നാൽ വ്യോമസേനക്കാർക്കുള്ള അറിയിപ്പ് എന്നാണ് അർത്ഥമാക്കുന്നത്. യുദ്ധം, അസാധാരണ സാഹചര്യങ്ങൾ അല്ലെങ്കിൽ തന്ത്രപരമായ നീക്കങ്ങക്ക് എന്നിവയ്ക്കിടെ പുറപ്പെടുവിക്കുന്ന നോട്ടീസാണിത്. സുരക്ഷിതമായ ഫ്ലൈറ്റ് പ്രവർത്തനങ്ങൾ ഉറപ്പാക്കുക എന്നതാണ് NOTAM- പുറപ്പെടുവിക്കുന്നതിന്റെ ലക്ഷ്യം.
വിമാനത്താവളത്തിലോ, വ്യോമാതിർത്തിയിലോ, മറ്റ് എയറോനോട്ടിക്കൽ സൗകര്യങ്ങളിലോ ഉള്ള താൽക്കാലിക മാറ്റങ്ങളെക്കുറിച്ചോ അപകടങ്ങളെക്കുറിച്ചോ ഇത് വിവരങ്ങൾ നൽകുന്നു. ഫ്ലൈറ്റ് ഓപ്പറേറ്റർമാർക്ക് അവരുടെ ഫ്ലൈറ്റ് പ്ലാനുകൾ വേഗത്തിൽ തിരിച്ചറിയാനും മാറ്റാനും കഴിയുന്ന തരത്തിൽ ടെലികമ്മ്യൂണിക്കേഷൻ വഴിയാണ് ഈ വിവരങ്ങൾ നൽകുന്നത്.
2025 ഒക്ടോബർ 15 നും 17 നും ഇടയിൽ ബംഗാൾ ഉൾക്കടലിൽ മിസൈൽ പരീക്ഷണം നടത്തുന്നതുമായി ബന്ധപ്പെട്ട് ഇന്ത്യ NOTAM പുറപ്പെടുവിച്ചിരുന്നു. ഇന്ത്യൻ സൈന്യം തുടർച്ചയായി സൈനിക ശേഷി വർദ്ധിപ്പിച്ചുകൊണ്ടിരിക്കുകയാണ്. ഈ മിസൈൽ പരീക്ഷണങ്ങൾ അതിന്റെ ഭാഗമാണ്. സെപ്റ്റംബർ 24 നും 25 നും ബംഗാൾ ഉൾക്കടലിൽ ഇന്ത്യ മിസൈൽ പരീക്ഷണങ്ങൾ നടത്തി. അബ്ദുൾ കലാം ദ്വീപിൽ നിന്നാണ് ഈ പരീക്ഷണങ്ങൾ നടന്നത്.
കഴിഞ്ഞ കുറച്ച് വർഷങ്ങളായി, ദീർഘദൂര ബാലിസ്റ്റിക്, ക്രൂയിസ് മിസൈലുകളുടെ വികസനത്തിൽ ഡിആർഡിഒ വളരെയധികം പുരോഗതി കൈവരിച്ചിട്ടുണ്ട്. ഇത് ഇന്ത്യയുടെ പ്രാദേശിക ശക്തിയെയും സൈനിക ശേഷിയെയും ശക്തിപ്പെടുത്തി. മേഖലയിൽ വർദ്ധിച്ചുവരുന്ന സുരക്ഷാ വെല്ലുവിളികൾക്കിടയിൽ ഇന്ത്യയുടെ തന്ത്രപരമായ ശക്തി നിലനിർത്തുന്നതിന് മിസൈൽ പരീക്ഷണങ്ങൾ നിർണായകമാണ്.
