ഡബ്ലിൻ ; അയർലൻഡിൽ 24,000-ത്തിലധികം പേർക്ക് ഡ്രോൺ പൈലറ്റുമാരായി പരിശീലനം നൽകിയിട്ടുണ്ടെന്ന് ഐറിഷ് ഏവിയേഷൻ അതോറിറ്റി .ഡ്രോൺ ഓപ്പറേറ്ററായി രജിസ്റ്റർ ചെയ്യാനും പറക്കുന്നതിന് മുമ്പ് നിയമങ്ങൾ പഠിക്കാനും യുവാക്കളെ പ്രേരിപ്പിക്കുന്നതിനായി ക്രിസ്മസ് “ഡ്രോൺ സേഫ്ലി” കാമ്പെയ്ൻ ആരംഭിച്ചിട്ടുണ്ട്.
സമീപ വർഷങ്ങളിൽ ഡ്രോൺ ഉപയോഗം “ക്രമേണ” വർദ്ധിച്ചുവെന്നും 2021 മുതൽ അവർ 9,200-ലധികം ഡ്രോൺ ഓപ്പറേറ്റർമാർ രജിസ്റ്റർ ചെയ്യുകയും 26,000-ത്തിലധികം ഡ്രോൺ പൈലറ്റുമാരെ പരിശീലിപ്പിക്കുകയും ചെയ്തിട്ടുണ്ട് എന്നും ഐറിഷ് ഏവിയേഷൻ പറയുന്നു.ഡ്രോൺ പറത്തുന്ന ഏതൊരാളും നിയമപ്രകാരം ഡ്രോൺ ഓപ്പറേറ്ററായി രജിസ്റ്റർ ചെയ്യണം.
‘ ഭൂരിഭാഗം ഡ്രോൺ ഉപയോക്താക്കളും നിയന്ത്രണങ്ങൾ പാലിക്കുന്നുണ്ട്.എങ്കിലും ഡ്രോൺ ഉപയോഗത്തിന്റെ ദ്രുതഗതിയിലുള്ള വളർച്ചയോടെ, പുതിയ പൈലറ്റുമാർക്ക് അവരുടെ ഉത്തരവാദിത്തങ്ങളെക്കുറിച്ച് അറിയില്ലായിരിക്കാം, ഇത് സുരക്ഷിതമല്ലാത്ത പറക്കലിലേക്ക് നയിച്ചേക്കാം.സുരക്ഷിതമല്ലാത്ത ഡ്രോൺ ഉപയോഗം പൊതുജനങ്ങൾ ഞങ്ങളെ അറിയിക്കണമെന്നും ‘ IAA യുടെ ഡ്രോൺ മാനേജർ എൻഡ വാൽഷ് പറഞ്ഞു.
