മാറ്റമില്ലാതെ തുടർന്ന് അയർലന്റിലെ തൊഴിലില്ലായ്മ നിരക്ക്

ഡബ്ലിൻ: അയർലന്റിൽ തൊഴിലില്ലായ്മ നിരക്ക് മാറ്റമില്ലാതെ തുടരുന്നു. ജൂണിലെ കണക്കുകൾ പരിശോധിക്കുമ്പോൾ രാജ്യത്തെ തൊഴിലില്ലായ്മ നിരക്ക് നാല് ശതമാനത്തിൽ തന്നെ തുടരുകയാണെന്നാണ് വ്യക്തമാകുന്നത്. മെയ് മാസത്തിലും തൊഴിലില്ലായ്മ നിരക്ക് നാല് ശതമാനം ആയിരുന്നു. അതേസമയം 2024 ജൂണിൽ തൊഴിലില്ലായ്മ നിരക്ക് 4.4 ശതമാനം ആയിരുന്നു.

സെൻട്രൽ സ്റ്റാറ്റിസ്റ്റിക്‌സ് ഓഫീസാണ് ഇത് സംബന്ധിച്ച കണക്കുകൾ പുറത്തുവിട്ടത്. മെയ് മാസത്തിൽ സ്ത്രീകൾക്കിടയിലെ തൊഴിലില്ലായ്മ നിരക്ക് 4.1 ശതമാനം ആയിരുന്നു. എന്നാൽ ഇത് ജൂണിൽ 4.0 ശതമാനം ആയി. പുരുഷന്മാരുടെ തൊഴിലില്ലായ്മ നിരക്ക് മെയിൽ 4.0 ശതമാനം ആയിരുന്നു. ഈ നില ജൂണിലും തുടർന്നു.