ഡബ്ലിൻ: അയർലന്റിൽ വീണ്ടും താപനില ഉയരാൻ സാദ്ധ്യതയുണ്ടെന്ന് മെറ്റ് ഐറാൻ. അടുത്ത വാരം പൊതുവെ ചൂടുള്ള കാലാവസ്ഥയാകും രാജ്യത്ത് അനുഭവപ്പെടുക. ഈ വാരാന്ത്യം കഴിയുമ്പോഴേയ്ക്കും മഴയുടെ സ്വാധീനം കുറയുമെന്നും മെറ്റ് ഐറാൻ പ്രവചിക്കുന്നു.
അടുത്ത വാരം പകുതിയോടെയാകും രാജ്യത്ത് കഠിനമായ ചൂട് അനുഭവപ്പെട്ട് തുടങ്ങുക. പകൽ സമയങ്ങളിൽ നല്ല തെളിഞ്ഞതും വരണ്ടതുമായ കാലാവസ്ഥ അനുഭവപ്പെടും. രാജ്യത്തിന്റെ തെക്ക്, കിഴക്ക് മേഖലകളിൽ നേരിയ ചാറ്റൽ മഴ ലഭിച്ചേക്കാം.
അടുത്ത വാരം ആദ്യത്തോടെ ഉയർന്ന മർദ്ദം അയർലന്റിന് മുകളിലായി രൂപപ്പെടും. ഇതിന്റെ സ്വാധീനഫലമായി ശരാശരിയ്ക്കും മുകളിലായിരിക്കും താപനില രേഖപ്പെടുത്തുക.
Discussion about this post
