ഓഫാലി: കൗണ്ടി ഓഫാലിയിൽ വാഹനാപകടത്തിൽ 60 കാരന് ഗുരുതര പരിക്ക്. ഡൈൻഗീനിലെ കില്ലഡെറിയിലാണ് അപകടം ഉണ്ടായത്. പരിക്കേറ്റയാളെ തുള്ളമോർ ആശുപത്രിയിൽ പ്രവേശിപ്പിച്ചു.
ചൊവ്വാഴ്ച രാവിലെ 11 മണിയ്ക്ക് ശേഷം ആയിരുന്നു സംഭവം. അദ്ദേഹം സഞ്ചരിച്ചിരുന്ന കാർ നിയന്ത്രണം വിട്ട് അപകടത്തിൽപ്പെടുകയായിരുന്നു. സംഭവത്തിൽ പോലീസ് അന്വേഷണം ആരംഭിച്ചു. അപകടത്തിന്റെ ദൃക്സാക്ഷികളും അപകടം സംബന്ധിച്ച വിവരം അറിയുന്നവരും എത്രയും വേഗം ബന്ധപ്പെടണമെന്നാണ് പോലീസ് നിർദ്ദേശം.
Discussion about this post
