ഡബ്ലിൻ: ഷാനൻ വിമാനത്താവളത്തിൽ വൻ ലഹരി വേട്ട. മൂന്ന് മില്യൺ യൂറോവരുന്ന കഞ്ചാവ് പിടികൂടി. സംഭവത്തിൽ റവന്യൂ വിഭാഗം അന്വേഷണം ആരംഭിച്ചിട്ടുണ്ട്. വിമാനം വഴി പാഴ്സലായി കടത്താൻ ശ്രമിച്ച കഞ്ചാവ് ആയിരുന്നു പിടിച്ചെടുത്തത്.
കൗണ്ടി ക്ലെയറിലെ ഒരു അഡ്രസിലേക്ക് ആയിരുന്നു പാഴ്സൽ. കാനഡയിൽ നിന്നുമായിരുന്നു ഇത് എത്തിയത്. വിമാനം വഴി പാഴ്സലായി ലഹരി കടത്തുന്നത് സംബന്ധിച്ച് റവന്യൂ വിഭാഗത്തിന് രഹസ്യവിവരം ലഭിച്ചിരുന്നു. ഇതിന്റെ അടിസ്ഥാനത്തിൽ പരിശോധിച്ചപ്പോഴായിരുന്നു കഞ്ചാവ് കണ്ടെത്തിയത്. 149 കിലോ കഞ്ചാവ് ആയിരുന്നു പാഴ്സലിൽ ഉണ്ടായിരുന്നത്.
Discussion about this post
