ന്യൂഡൽഹി: നടൻ ആശിഷ് വിദ്യാർത്ഥിക്കും ഭാര്യക്കും വാഹനാപകടത്തിൽ പരിക്കേറ്റു. ഇന്നലെ രാത്രി ഗുവാഹത്തിയിലാണ് അപകടം. ഇരുവരുടെയും പരിക്കുകൾ ഗുരുതരമല്ല. തങ്ങൾ സുരക്ഷിതരാണെന്നും നിലവിൽ ചികിത്സയിലാണെന്നും ആശിഷ് വിദ്യാർത്ഥി സോഷ്യൽ മീഡിയയിൽ കുറിച്ചു.
റോഡ് മുറിച്ചുകടക്കുന്നതിനിടെ അമിതവേഗതയിൽ എത്തിയ ബൈക്ക് ദമ്പതികളെ ഇടിക്കുകയായിരുന്നു . നാട്ടുകാരാണ് ദമ്പതികളെ ആശുപത്രിയിലേക്ക് കൊണ്ടുപോയത്. പരിക്കേറ്റ ബൈക്ക് യാത്രക്കാരനെ ഗുവാഹത്തി മെഡിക്കൽ കോളേജ് ആശുപത്രിയിലേക്ക് മാറ്റി. പരിക്കുകൾ ഗുരുതരമല്ലെന്ന് വ്യക്തമാക്കുന്ന വീഡിയോ ആശിഷ് വിദ്യാർത്ഥി സോഷ്യൽ മീഡിയയിൽ പങ്കിട്ടു. രൂപാലി ബറുവ നിലവിൽ നിരീക്ഷണത്തിലാണ്. 2023 ലാണ് ഇവർ വിവാഹിതരായത്.
Discussion about this post
