Author: Anu Nair

മുംബൈ : മഹാരാഷ്ട്രയില്‍ സൈന്യത്തിന്റെ ആയുധ നിര്‍മാണശാലയിലുണ്ടായ പൊട്ടിത്തെറിയിൽ എട്ട് പേര്‍ക്ക് ദാരുണാന്ത്യം. ഏഴ് പേർക്ക് ഗുരുതരമായി പരിക്കേറ്റു. വെളളിയാഴ്ച രാവിലെയാണ് സ്‌ഫോടനമുണ്ടായത്. ഭണ്ഡാരയിലെ ജവഹര്‍ നഗര്‍ ഏരിയയില്‍ സ്ഥിതി ചെയ്യുന്ന ഫാക്ടറിയുടെ ലോംഗ് ടേം പ്ലാനിംഗ് വിഭാഗത്തിലാണ് സ്‌ഫോടനം നടന്നത്. ആര്‍ഡിഎക്‌സ് ഉല്‍പാദനത്തിന് ഉപയോഗിക്കുന്ന അസംസ്‌കൃത വസ്തുക്കള്‍ സംസ്‌കരിക്കുന്ന ഫാക്ടറി ഭാഗമാണിത് . പരിക്കേറ്റവർ നാഗ്പൂരിലെ ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലാണ്. സംഭവത്തിൽ പ്രതിരോധ മന്ത്രി രാജ്‌നാഥ് സിംഗ് അനുശോചനം രേഖപ്പെടുത്തി. “മഹാരാഷ്ട്രയിലെ ഭണ്ഡാരയിലെ ഓർഡനൻസ് ഫാക്ടറിയിലുണ്ടായ സ്‌ഫോടന വാർത്ത അറിഞ്ഞതിൽ അതിയായ ദുഃഖമുണ്ട്. മരിച്ചവരുടെ കുടുംബങ്ങൾക്ക് എന്റെ അനുശോചനം. പരിക്കേറ്റവർ വേഗത്തിൽ സുഖം പ്രാപിക്കട്ടെ എന്ന് പ്രാർത്ഥിക്കുന്നു,” അദ്ദേഹം എക്സിൽ കുറിച്ചു.

പെൺകുട്ടികളുടെ വിവാഹപ്രായം ഒൻപതാക്കി കുറയ്ക്കുന്ന നിയമഭേദഗതിയ്ക്ക് ഇറാഖ് പാർലമെന്റിന്റെ അംഗീകാരം . കുടുംബപരമായ കാര്യങ്ങളിൽ ഇസ്ലാമിക കോടതിയ്ക്ക് കൂടുതൽ അംഗീകാരം നൽകുന്നതാണ് ഭേദഗതി.വിവാഹം, വിവാഹമോചനം , അനന്തരാവകാശം എന്നിവയിൽ ഇസ്ലാമിക കോടതികൾക്കാകും ഇനി കൂടുതൽ അധികാരം . കഴിഞ്ഞ വർഷം പകുതിയോടെയാണ് വിവാഹപ്രായം കുറയ്ക്കുന്നതുമായി ബന്ധപ്പെട്ട ബിൽ കൊണ്ടു വന്നത് . എതിർപ്പുകൾ ഉയർന്നതിനെ തുടർന്ന് പിന്നീട് ഇത് പിൻ വലിച്ചു.ഷിയാവിഭാഗം ഭേദഗതിയെ പിന്തുണച്ചതോടെ ബിൽ വീണ്ടും പാർലമെന്റിൽ എത്തുകയായിരുന്നു. നിലവിൽ 18 വയസാണ് ഇറാഖിൽ വിവാഹപ്രായം .ചൊവ്വാഴ്ച്ച പാർലമെന്റ് അംഗീകാരം നൽകിയ ഭേദഗതി ഇസ്ലാം പുരോഹിതർക്ക് തീരുമാനങ്ങളെടുക്കാൻ കൂടുതൽ അധികാരം നൽകുന്നുണ്ട്. ഇറാഖിലെ ജാഫറി സ്കൂൾ ഓഫ് ഇസ്ലാമിക നിയമം അനുസരിക്കുന്ന ഷിയ വിഭാഗത്തിന് വിവാഹ പ്രായത്തിന് പെൺകുട്ടിയുടെ പ്രായം 9 വയസാണ്.

ന്യൂഡൽഹി : വഖഫ് ഭേദഗതി ബിൽ സംബന്ധിച്ച സംയുക്ത പാർലമെന്ററി യോഗത്തിനിടെ ബഹളം വച്ച പ്രതിപക്ഷ എം പിമാർക്ക് സസ്പെൻഷൻ. ഓൾ ഇന്ത്യ മജ്‌ലിസ്-ഇ-ഇത്തേഹാദുൽ മുസ്‌ലിമീൻ (എഐഎംഐഎം) മേധാവി അസദുദ്ദീൻ ഒവൈസി , തൃണമൂൽ കോൺഗ്രസിൻ്റെ കല്യാൺ ബാനർജി, ഡിഎംകെ അംഗം എ രാജ ഉൾപ്പെടെ 10 എംപിമാരെയാണ് ഇന്നത്തെ യോഗത്തിൽ നിന്ന് സസ്‌പെൻഡ് ചെയ്തത്. ബിജെപി അംഗം നിഷികാന്ത് ദുബെയാണ് പ്രതിപക്ഷ അംഗങ്ങളെ സസ്‌പെൻഡ് ചെയ്യാനുള്ള പ്രമേയം അവതരിപ്പിച്ചത് . അത് കമ്മിറ്റി അംഗീകരിച്ചു. യോഗത്തിനിടെ തുടർച്ചയായി ബഹളം വയ്ക്കുകയും ബില്ലിനെതിരെ പാർലമെന്ററി വിരുദ്ധമായ ഭാഷ ഉപയോഗിക്കുകയും ചെയ്ത പ്രതിപക്ഷ അംഗങ്ങളുടെ പെരുമാറ്റം “വെറുപ്പുളവാക്കുന്നതാണ്” എന്ന് ബിജെപി അംഗം അപരാജിത സാരംഗി പറഞ്ഞു കരട് നിയമനിർമ്മാണത്തിലെ നിർദ്ദിഷ്ട മാറ്റങ്ങൾ പഠിക്കാൻ മതിയായ സമയം നൽകുന്നില്ലെന്ന് പ്രതിപക്ഷ അംഗങ്ങൾ ആരോപിച്ചതോടെ പാർലമെന്ററി കമ്മിറ്റി യോഗം പ്രക്ഷുബ്ധമായി.കമ്മിറ്റി വീണ്ടും ചേർന്നതിനുശേഷം കശ്മീരിലെ മതനേതാവ് മിർവൈസ് ഉമർ ഫാറൂഖിന്റെ നേതൃത്വത്തിലുള്ള പ്രതിനിധി സംഘം മുമ്പാകെ…

വയനാട് : ഡൽഹിയിൽ നടക്കുന്ന റിപ്പബ്ലിക് ദിനാഘോഷത്തിൽ പങ്കെടുക്കാൻ കേരളത്തിലെ മന്നാൻ ആദിവാസി സമൂഹത്തിലെ രാജാവും, പത്നിയും ഡൽഹിയിൽ . കേരളത്തിലെ ഏക ആദിവാസി രാജാവാണ് രാമൻ രാജമന്നൻ. പരിപാടിയിൽ പങ്കെടുക്കാനുള്ള ക്ഷണക്കത്ത് പട്ടികജാതി, പട്ടികവർഗ, പിന്നാക്ക വിഭാഗ ക്ഷേമ മന്ത്രി ഒ ആർ കേളു അദ്ദേഹത്തിന് കൈമാറിയിരുന്നു. റിപ്പബ്ലിക് ദിനത്തിൽ പട്ടികവർഗ വികസന വകുപ്പിൻ്റെ അതിഥിയായാണ് അദ്ദേഹം പങ്കെടുക്കുക. ഒപ്പം ഭാര്യ ബിനുമോളുമുണ്ടാകും ഇടുക്കിയിൽ 48 പട്ടിക വർഗ ഉന്നതികളിലായി മുന്നൂറിലധികം മന്നാൻ കുടുംബങ്ങളുണ്ട്. ഇവരുടെ ആചാരാനുഷ്ഠാനങ്ങളിൽ രാജാവിന് പ്രത്യേക സ്ഥാനമുണ്ട്. പൊതുചടങ്ങുകളിൽ തലപ്പാവും ആചാര വസ്ത്രങ്ങളും ധരിക്കും. 2 മന്ത്രിമാരും ഭടന്മാരും സേവകരായുണ്ട്. കോഴിമൽ എന്ന ഗ്രാമമാണ് അവരുടെ തലസ്ഥാനം. ഇടുക്കി ജില്ലയിലെ കാഞ്ചിയാർ പഞ്ചായത്തിലാണ് ഇത്. മുൻ രാജാവായിരുന്ന ആര്യൻ രാജമന്നൻ്റെ മരണശേഷമാണ് രാമൻ രാജാവായി അധികാരമേറ്റത്.

കാഠ്മണ്ഡു ; നേപ്പാളിലെ വനമേഖലയിൽ വൻ തീപിടിത്തം . കാഠ്മണ്ഡു കഭ്രെപാലൻചോക്കിലെ മഹാഭാരത വനമേഖലയിൽ ഉണ്ടായ കാട്ടുതീ മൂന്ന് ദിവസമായിട്ടും നിയന്ത്രണ വിധേയമായിട്ടില്ല. തുടർച്ചയായി പുക ഉയരുന്നത് കണ്ട് ആളുകൾ പ്രാദേശിക ഭരണകൂടത്തെ അറിയിച്ചപ്പോഴാണ് സംഭവം സർക്കാർ അറിയുന്നത്. തീ നിയന്ത്രണവിധേയമായിട്ടില്ലെന്ന് നാട്ടുകാർ പറയുന്നു. കബ്രെ ജില്ലാ പോലീസ് ഓഫീസ് പറയുന്നതനുസരിച്ച്, ചൊവ്വാഴ്ച ഉച്ചയ്ക്ക് രണ്ട് മണിയോടെ ആരംഭിച്ച തീ വ്യാഴാഴ്ച വൈകുന്നേരം വരെ നിയന്ത്രിക്കാനായിട്ടില്ല.നേപ്പാൾ ആർമിയുടെയും പോലീസിൻ്റെയും സംഘങ്ങളെ വിന്യസിച്ചിട്ടും തീപിടിത്തം ഉടനടി നിയന്ത്രിക്കാൻ സാധിച്ചില്ലെന്ന് ജില്ലാ ചീഫ് ജില്ലാ മജിസ്‌ട്രേറ്റ് ഉമേഷ് കുമാർ ധക്കൽ പറഞ്ഞു. സമീപത്തെ ജനവാസ കേന്ദ്രങ്ങളിലേക്ക് തീ പടരാതിരിക്കാൻ സുരക്ഷാ ഉദ്യോഗസ്ഥർ സ്ഥിതിഗതികൾ സൂക്ഷ്മമായി നിരീക്ഷിച്ചുവരികയാണ്. ജനവാസകേന്ദ്രങ്ങളിൽ നിന്ന് 3 കിലോമീറ്റർ അകലെയാണ് ഇപ്പോൾ കാട്ടുതീ. ആവശ്യമെങ്കിൽ പ്രദേശവാസികളെ സുരക്ഷിത സ്ഥലങ്ങളിലേക്ക് മാറ്റാനുള്ള തയ്യാറെടുപ്പുകളും നടത്തി വരികയാണെന്ന് ഉമേഷ് കുമാർ ധക്കൽ പറഞ്ഞു. കാട്ടുതീ നിയന്ത്രിക്കുന്നതിനുള്ള തന്ത്രങ്ങൾ ചർച്ച ചെയ്യാൻ കബ്രെ ജില്ലാ ഫോറസ്റ്റ്…

ഭോപ്പാൽ : മധ്യപ്രദേശിലെ 17 ക്ഷേത്ര നഗരങ്ങളിൽ മദ്യം നിരോധിക്കുമെന്ന് മുഖ്യമന്ത്രി മോഹൻ യാദവ് . മതപരമായ നഗരങ്ങളിൽ മദ്യം നിരോധിക്കാനുള്ള നടപടികൾ സർക്കാർ സ്വീകരിക്കുന്നുണ്ടെന്നും , ഏപ്രിൽ 1 മുതൽ ഇത് നിലവിൽ വന്നേക്കുമെന്നുമാണ് അദ്ദേഹം പറഞ്ഞത്. ഉജ്ജയിനി, ഓംകാരേശ്വർ, ദാതിയ, അമർകണ്ടക്, ചിത്രകൂട്, സാഞ്ചി, ഖജുരാഹോ തുടങ്ങിയ നഗരങ്ങളും ഇതിൽ ഉൾപ്പെടും. ‘ ഭഗവാൻ കൃഷ്ണൻ്റെ കാൽ പതിഞ്ഞിടത്തെല്ലാം, മതപരമായ ടൂറിസത്തിൻ്റെ കേന്ദ്രമാക്കും. സമൂഹത്തിലെ മയക്കുമരുന്ന് ദുരുപയോഗം നാശത്തിന് കാരണമാകുന്നു.മദ്യപാനം മൂലം കുടുംബങ്ങൾ തകരുന്നു. ഇത് വലിയ വേദനയാണ്. 17 വ്യത്യസ്ത മതപരമായ നഗരങ്ങളിൽ മദ്യം നിരോധിക്കാൻ ഞങ്ങൾ തീരുമാനിച്ചു.‘ – മോഹൻ യാദവ് പറഞ്ഞു. സർക്കാർ മദ്യം നിരോധിക്കുന്ന 17 മത നഗരങ്ങളുടെ എക്സൈസ് നയത്തിൽ ഭേദഗതികളും ഉണ്ടാകും.

കൊച്ചി: കൈക്കൂലി വാങ്ങവെ സീനിയര്‍ സിവില്‍ പൊലീസ് ഓഫീസര്‍ വിജിലന്‍സ് പിടിയിലായി.മുളവുകാട് പൊലീസ് സ്‌റ്റേഷനിലെ അനൂപാണ് പിടിയിലായത്. അയ്യായിരം രൂപ കൈക്കൂലി വാങ്ങവെയാണ് ഇയാള്‍ പിടിയിലായത്. കെട്ടിടങ്ങള്‍ പൊളിക്കുന്ന കരാറുകാരനോട് ആണ് കൈക്കൂലി ആവശ്യപ്പെട്ടത്. പണം നല്‍കിയില്ലെങ്കില്‍ കെട്ടിട അവശിഷ്ടങ്ങള്‍ നിക്ഷേപിക്കാന്‍ അനുവദിക്കില്ലെന്നും ലോറി പിടിച്ചെടുക്കുമെന്നും അനൂപ് ഭീഷണിപ്പെടുത്തി.തുടര്‍ന്നാണ് കരാറുകാരന്‍ വിജിലന്‍സിനെ സമീപിച്ചത്. വിജിലന്‍സിന്റെ നിര്‍ദ്ദേശപ്രകാരം പണം നല്‍കാമെന്ന് പറഞ്ഞ് കാക്കനാടേക്ക് വിളിച്ചുവരുത്തി. പണം കൈമാറുന്നതിനിടെ അനൂപിനെ വിജിലന്‍സ് പിടികൂടുകയായിരുന്നു. പ്രതിയെ നാളെ കോടതിയില്‍ ഹാജരാക്കും. അനൂപിന്റെ സ്വത്തുവിവരങ്ങള്‍ അന്വേഷിക്കുമെന്നും വിജിലന്‍സ് അറിയിച്ചു.

ബോളിവുഡ് താരങ്ങള്‍ക്ക് പാകിസ്ഥാനില്‍ നിന്നും വധഭീഷണി. നടനും അവതാരകനുമായ കപില്‍ ശര്‍മ്മ, നടന്‍ രാജ്പാല്‍ യാദവ്, നടിയും ഗായികയുമായ സുഗന്ധ മിശ്ര, കോറിയോഗ്രാഫര്‍ റെമോ ഡിസൂസ എന്നിവര്‍ക്കാണ് വധഭീഷണികള്‍ ലഭിച്ചിരിക്കുന്നത്. പാകിസ്ഥാനില്‍ നിന്നുമാണ് ഭീഷണി നിറഞ്ഞ ഇ-മെയിലുകള്‍ താരങ്ങള്‍ക്ക് ലഭിച്ചിരിക്കുന്നത്. വിഷയം വളരെയധികം ഗൗരവത്തോടെ കാണണമെന്നും രഹസ്യമാക്കി വെക്കണമെന്നും കപില്‍ ശര്‍മയ്ക്ക് ലഭിച്ച ഇ-മെയില്‍ സന്ദേശത്തില്‍ പറയുന്നുണ്ട്. നിങ്ങളെ ബുദ്ധിമുട്ടിക്കുന്നതിനോ പ്രശസ്തി നേടുന്നതിനോ വേണ്ടിയല്ല ഇത് അയക്കുന്നത്. അടുത്തിടെയുള്ള നിങ്ങളുടെ പ്രവര്‍ത്തനങ്ങള്‍ നിരീക്ഷിക്കുന്നുണ്ട്. സുപ്രധാനമായ ഒരുകാര്യം നിങ്ങളുടെ ശ്രദ്ധയില്‍പ്പെടുത്താനാണ് ഈ സന്ദേശം എന്നാണ് ബിഷ്ണു എന്ന് അവകാശപ്പെടുന്നയാള്‍ മുന്നറിയിപ്പ് നല്‍കുന്നത്. എട്ട് മണിക്കൂറിനുള്ളില്‍ പ്രതികരിക്കാത്തപക്ഷം വ്യക്തിപരമായും തൊഴില്‍പരമായും ഗുരുതര പ്രത്യാഘാതം നേരിടേണ്ടി വരുമെന്നാണ് കപില്‍ ശര്‍മയ്ക്ക് ലഭിച്ച ഇ-മെയിലിലെ ഭീഷണി . എന്‍സിപി നേതാവ് ബാബ സിദ്ദിഖി കൊല്ലപ്പെട്ട സംഭവത്തിന് പിന്നാലെ ബോളിവുഡ് താരങ്ങള്‍ക്കെതിരായ ഭീഷണി സന്ദേശങ്ങള്‍ പൊലീസ് അതീവ ഗൗരവമായാണ് കാണുന്നത്. സെയ്ഫ് അലിഖാന് കുത്തേറ്റ സംഭവവും വിഷയത്തിന്റെ ഗൗരവം…

ഭോപ്പാൽ : യുവതിയെ പ്രസവത്തിനായി ആശുപത്രിയിലേയ്ക്ക് കൊണ്ടു പോകുന്നതിനിടെയുണ്ടായ വാഹനാപകടത്തിൽ ഭർത്താവ് മരിച്ചു. പിന്നാലെ ഭാര്യ പെൺകുഞ്ഞിന് ജന്മം നൽകി. മധ്യപ്രദേശിലെ ഭോപ്പാലിലാണ് സംഭവം. മഹേന്ദ്ര മേവാഡയും ഭാര്യാ സഹോദരൻ സതീഷ് മേവാഡയുമാണ് മരിച്ചത്. ഭോപ്പാലിലെ ലാൽഘട്ടിയിലെ ഹലാൽപൂർ ബസ് സ്റ്റാൻഡിനു സമീപം വച്ച് ഇവർ സഞ്ചരിച്ചിരുന്ന ഹാച്ച്ബാക്ക് കാർ ഡിവൈഡറിൽ ഇടിച്ച് മറിഞ്ഞാണ് സംഭവം.ദമ്പതികൾക്കൊപ്പം മഹേന്ദ്രയുടെ അമ്മയും ഭാര്യാമാതാവും കാറിലുണ്ടായിരുന്നു. അപകടത്തെ തുടർന്ന് കാറിലുണ്ടായിരുന്ന അഞ്ച് യാത്രക്കാർക്കും പരിക്കേറ്റു. ഇവരെ ഉടൻ ആശുപത്രിയിൽ എത്തിച്ചെങ്കിലും മഹേന്ദ്ര മേവാഡയും ഭാര്യാസഹോദരൻ സതീഷും മരണപ്പെടുകയായിരുന്നു. പിന്നാലെ ഒരു മണിക്കൂറിനുള്ളിൽ മഹേഷിന്റെ ഭാര്യ ബബ്ലി പെൺകുഞ്ഞിന് ജന്മം നൽകുകയും ചെയ്തു.

ചെന്നൈ : നടൻ വിജയ്ക്ക് പിന്നാലെ നടി തൃഷയും രാഷ്ട്രീയത്തിലേക്കെന്ന് സൂചന . തമിഴ് സിനിമ നിരീക്ഷനായ വി പി അന്തനന്റെ പരാമർശമാണ് ഇപ്പോൾ ചർച്ചയായിരിക്കുന്നത് . തൃഷയുടെ തീരുമാനത്തോട് അമ്മ എതിർപ്പ് അറിയിച്ചതായും , ഇരുവരും തമ്മിൽ പ്രശ്നങ്ങളുണ്ടായെന്നുമാണ് റിപ്പോർട്ടുകൾ. എന്നാൽ തൃഷ ഇക്കാര്യത്തിൽ പ്രതികരിച്ചിട്ടില്ല.രാഷ്ട്രീയത്തിലേക്ക് ഇറങ്ങിയാലും തൃഷ അഭിനയം തുടരുമെന്നാണ് ആരാധകരുടെ പ്രതീക്ഷ. വിജയും , തൃഷയും മറ്റൊരു എം ജി ആർ- ജയലളിത ആകുമെന്നും ചിലർ ഇതിനകം തന്നെ പ്രതീക്ഷ പ്രകടിപ്പിച്ചു തുടങ്ങിയിട്ടുണ്ട്. വിജയും, തൃഷയും തമ്മിൽ അടുപ്പത്തിലാണെന്ന അഭ്യൂഹങ്ങൾക്കിടെയാണ് പുതിയ സംഭവവികാസങ്ങൾ . നടി കീർത്തി സുരേഷും ആന്റണി തട്ടിലുമായുള്ള വിവാഹത്തിന് ഇരുവരും ഒന്നിച്ചെത്തിയത് വലിയ ചർച്ചയായിരുന്നു.