Author: Anu Nair

കൊച്ചി: ശബരിമല സ്വർണ്ണ മോഷണക്കേസിലെ അന്വേഷണ പുരോഗതി റിപ്പോർട്ട് പ്രത്യേക അന്വേഷണ സംഘം ഹൈക്കോടതിയിൽ സമർപ്പിച്ചു. എസ്‌ഐടിയെ എസ് ശശിധരനും കോടതിയിൽ ഹാജരായി. പ്രഭമണ്ഡലത്തിൽ നിന്ന് ശേഖരിച്ച സാമ്പിളുകളെക്കുറിച്ചും റിപ്പോർട്ടിൽ പരാമർശിച്ചിട്ടുണ്ട് ശ്രീകോവിലിന്റെ വാതിൽ ചട്ടക്കൂടിന് മുകളിൽ കൊത്തിയെടുത്ത ലക്ഷ്മി രൂപമുള്ള കമാനാകൃതിയിലുള്ള സ്വർണ്ണം പൂശിയ പ്രഭമണ്ഡലവും ശ്രീകോവിലിന്റെ വടക്കുവശത്തുള്ള വാതിൽ ചട്ടക്കൂടുകളും ദേവസ്വം തിരുവാഭരണം കമ്മീഷണർ ആർ റെജിലാലിന്റെ സാന്നിധ്യത്തിൽ എസ്‌ഐടി സംഘം പൊളിച്ചുമാറ്റി പരിശോധിച്ചിരുന്നു. ശബരിമല എക്സിക്യൂട്ടീവ് ഓഫീസറുടെ ഓഫീസിന് സമീപമുള്ള മുറിയിലാണ് പരിശോധന നടത്തിയത്. നഷ്ടപ്പെട്ട സ്വർണ്ണത്തിന്റെ ഭാരം നിർണ്ണയിക്കാനായിരുന്നു ഇത്. കർപ്പൂര പുകയാൽ കറുത്തുപോയ പ്രഭമണ്ഡലം തൂക്കി പരിശോധിച്ച ശേഷം, സ്പെഷ്യൽ കമ്മീഷണർ ആർ ജയകൃഷ്ണന്റെ നിർദ്ദേശപ്രകാരം വൃത്തിയാക്കി തിരികെ സൂക്ഷിച്ചു.പ്രഭമണ്ഡലത്തിന് സമീപമുള്ള വാതിൽ ഫ്രെയിമുകളിൽ നിന്ന് ശേഖരിച്ച സാമ്പിളുകൾ ഏത് ലാബിൽ പരിശോധനയ്ക്ക് അയയ്ക്കണമെന്ന് സംബന്ധിച്ച് എസ്‌ഐടി മുദ്രവച്ച കവറിൽ കോടതിയിൽ റിപ്പോർട്ട് സമർപ്പിച്ചു. കാര്യമായ തെളിവുകളൊന്നും ലഭിച്ചിട്ടില്ലാത്തതിനാൽ, ഫോറൻസിക് കണ്ടെത്തലുകളാകും കോടതിയുടെ തീരുമാനത്തിൽ…

കൊച്ചി: സിപിഎം സംസ്ഥാന സെക്രട്ടറി എം വി ഗോവിന്ദനെതിരെ കെ സുധാകരൻ എംപി നൽകിയ മാനനഷ്ടക്കേസ് എറണാകുളം സിജെഎം കോടതി തള്ളി. തെളിവ് നൽകാൻ പരാതിക്കാരൻ കോടതിയിൽ തുടർച്ചയായി ഹാജരാകാത്തതിനെ തുടർന്നാണ് കോടതി കേസ് തള്ളിയത്. പുരാവസ്തു തട്ടിപ്പ് കേസിലെ പ്രതിയായ മോൺസൺ മാവുങ്കലുമായുള്ള കെ സുധാകരന്റെ ബന്ധത്തെക്കുറിച്ച് ദേശാഭിമാനിയിൽ പ്രസിദ്ധീകരിച്ച വാർത്തയോട് എം വി ഗോവിന്ദൻ പ്രതികരിച്ചിരുന്നു. മോൺസൺ മാവുങ്കൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ചപ്പോൾ സുധാകരനും വീട്ടിലുണ്ടായിരുന്നുവെന്ന് എം വി ഗോവിന്ദൻ ആരോപിച്ചിരുന്നു. ഈ ആരോപണത്തിനെതിരെയാണ് കെ സുധാകരൻ എംപിമാരുടെയും എംഎൽഎമാരുടെയും കേസുകൾ പരിഗണിക്കുന്ന കൊച്ചിയിലെ പ്രത്യേക കോടതിയിൽ മാനനഷ്ടക്കേസ് ഫയൽ ചെയ്തത്. തന്റെ വ്യക്തിത്വത്തെയും രാഷ്ട്രീയ പ്രതിച്ഛായയെയും മോശമായി ചിത്രീകരിക്കാനുള്ള മനഃപൂർവമായ ശ്രമമാണിതെന്ന് ആരോപിച്ച് 2023 ജൂലൈ 23 നാണ് കെ സുധാകരൻ കോടതിയെ സമീപിച്ചത്. എം വി ഗോവിന്ദനെ കൂടാതെ, ഇതേ ആരോപണത്തിന് അന്നത്തെ കണ്ണൂർ ജില്ലാ പഞ്ചായത്ത് പ്രസിഡന്റ് പി പി ദിവ്യയ്ക്കും ദേശാഭിമാനി ദിനപത്രത്തിനുമെതിരെ…

ചെന്നൈ : മുല്ലപ്പെരിയാറിൽ പുതിയ അണക്കെട്ട് അനുവദിക്കില്ലെന്നും , കേരള സർക്കാരിന്റെ ശ്രമങ്ങൾ തടയുമെന്നും വ്യക്തമാക്കി ടിവികെ സർക്കാരിന്റെ ആദ്യ നയപ്രഖ്യാപന പ്രസംഗം.തെക്കൻ ജില്ലകളിലെ ജനങ്ങളുടെ ജീവനാഡിയാണ് മുല്ലപ്പെരിയാർ അണക്കെട്ട് . 2014 ൽ സുപ്രീം കോടതി മുല്ലപ്പെരിയാറിലെ ജലനിരപ്പ് 142 അടിയായി ഉയർത്താമെന്ന് നിർദേശിക്കുകയും ചെയ്തു. എന്നാൽ അണക്കെട്ട് ബലപ്പെടുത്തുന്നതിനുള്ള ജോലികൾക്ക് അനുമതി നിഷേധിക്കുന്നത് തുടരുന്നതിനൊപ്പം പുതിയ അണക്കെട്ട് നിർമ്മിക്കണമെന്ന ആവശ്യത്തിൽ ഉറച്ച് നിൽക്കുകയാണ് കേരള സർക്കാർ. പുതിയ അണക്കെട്ട് നിർമ്മിക്കാനുള്ള കേരള സർക്കാരിന്റെ ശ്രമത്തെ തടയാൻ തമിഴ്നാട് സർക്കാർ ശക്തമായ നടപടികൾ സ്വീകരിക്കും. കൂടാതെ അണക്കെട്ട് പ്രദേശത്ത് അറ്റക്കുറ്റപ്പണികൾ നടത്തുന്നതിനും, അണക്കെട്ടിലെ ജലനിരപ്പ് ഉയർത്താനും നടപടി സ്വീകരിക്കുമെന്ന് നയപ്രഖ്യാപനം പ്രസംഗത്തിൽ പറയുന്നു. നയപ്രഖ്യാപന പ്രസംഗത്തിന് മുമ്പ്, ആദ്യം തമിഴ് തായ് ഗാനങ്ങളും പിന്നീട് ദേശീയ ഗാനവും ആലപിച്ചു. വന്ദേമാതരം ആലപിക്കുന്നത് ഒഴിവാക്കി. തമിഴ്‌നാടിന്റെ ചുമതലയുള്ള ഗവർണർ രാജേന്ദ്ര വിശ്വനാഥ് അർലേക്കറാണ് പതിവ് പ്രസംഗം നടത്തിയത്. പുതിയ അംഗങ്ങളെ അഭിനന്ദിച്ചുകൊണ്ടാണ്…

പത്തനംതിട്ട: ഗവിയുടെ ഉൾവനത്തിനുള്ളിൽ 34 കാരിയായ അംഗൻവാടി ഹെൽപ്പറെ മരിച്ച നിലയിൽ കണ്ടെത്തി. തമിഴ്നാട് സ്വദേശിനിയായ മേനകയാണ് മരിച്ചത്. മീനാർ അംഗൻവാടിയിൽ ജോലി ചെയ്തിരുന്ന ഇവർ ഗവിയിലാണ് താമസിച്ചിരുന്നത് . ഭർത്താവ് സുരേഷ് തോട്ടം തൊഴിലാളിയാണ്. മേനക രാവിലെ 9.00 ഓടെ ഗവിയിൽ നിന്ന് ഏകദേശം മൂന്ന് കിലോമീറ്റർ അകലെയുള്ള മീനാറിലെ അംഗൻവാടിയിലേക്ക് നടന്നാണ് പോയത് . രണ്ട് സ്ഥലങ്ങൾക്കുമിടയിലുള്ള വഴി പൂർണ്ണമായും ഇടതൂർന്ന വനത്തിലൂടെയാണ്. അല്പസമയം കഴിഞ്ഞ് തമിഴ്‌നാട്ടിലുള്ള തന്റെ പിതാവിനെ വിളിച്ച് “തന്നെ എന്തോ കടിച്ചതായി” മേനക പറഞ്ഞു. അച്ഛൻ തിരികെ വിളിക്കാൻ ശ്രമിച്ചെങ്കിലും മേനകയെ ഫോണിൽ ലഭിച്ചില്ല. പരിഭ്രാന്തനായ അദ്ദേഹം ഉടൻ തന്നെ പ്രദേശവാസികളെ അറിയിച്ചു. പ്രദേശവാസികളാണ് സ്ഥലത്ത് തിരച്ചിൽ നടത്തിയത്. രാവിലെ 11.00 ഓടെ, മീനാറിലെ കാട്ടരുവിയുടെ കരയിൽ മേനകയുടെ മൃതദേഹം കണ്ടെത്തി. വസ്ത്രങ്ങൾ കീറിയിരുന്നതായും ദൃക്‌സാക്ഷികൾ പറയുന്നു . യുവതി അംഗനവാടിയിലേക്ക് പോയതിന് പിന്നാലെ ഒരു ആദിവാസി യുവാവിനെ സംശയാസ്പദമായ സാഹചര്യത്തിൽ കണ്ടതായും സാക്ഷികൾ…

തിരുവനന്തപുരം: സ്വകാര്യ ബസുകളെ കെഎസ്‌ആർ‌ടി‌സിയ്ക്ക് കീഴിൽ കൊണ്ടുവരുന്നതിനുള്ള പദ്ധതികൾ ആലോചിച്ച് സംസ്ഥാന സർക്കാർ . പ്രിയദർശിനി സൗജന്യ യാത്രാ പദ്ധതി ആരംഭിച്ചതോടെ സാമ്പത്തികമായി ബുദ്ധിമുട്ടുന്ന സ്വകാര്യ ഗതാഗത മേഖലയ്ക്ക് പിന്തുണ നൽകുന്നതിനൊപ്പം മലബാർ പോലുള്ള പ്രദേശങ്ങളിലേക്ക് സർക്കാരിന്റെ സൗജന്യ യാത്രാ പദ്ധതി വ്യാപിപ്പിക്കുക എന്നതും ഈ തീരുമാനത്തിന്റെ ലക്ഷ്യമാണ്. പദ്ധതിയെക്കുറിച്ചുള്ള പ്രാഥമിക ചർച്ചകൾ ഇതിനകം ആരംഭിച്ചു. ഉത്തർപ്രദേശ്, കർണാടക, തെലങ്കാന തുടങ്ങിയ സംസ്ഥാനങ്ങളിൽ നിന്ന് പ്രചോദനം ഉൾക്കൊണ്ടാണ് പുതിയ നീക്കങ്ങൾ. അവിടെ സർക്കാർ നടത്തുന്ന ഗതാഗത കോർപ്പറേഷനുകൾ ഏകീകൃത പൊതു ശൃംഖലയ്ക്ക് കീഴിൽ സ്വകാര്യ സർവീസുകളെയും ചേർത്തിട്ടുണ്ട്. ഇതേ രീതിയിൽ കെ‌എസ്‌ആർ‌ടി‌സി നിശ്ചിത വാടക അടിസ്ഥാനത്തിൽ സ്വകാര്യ ബസുകൾ ഏറ്റെടുത്ത് നടത്താനാണ് തീരുമാനം . ഡ്രൈവർമാർക്ക് പണം നൽകുന്നതിന് ബസ് ഉടമകൾ ഉത്തരവാദികളായിരിക്കുമെങ്കിലും, ടിക്കറ്റിംഗ് കൈകാര്യം ചെയ്യാൻ കെ‌എസ്‌ആർ‌ടി‌സി സ്വന്തം കണ്ടക്ടർമാരെ നിയോഗിക്കും. എല്ലാ ഇന്ധന, അറ്റകുറ്റപ്പണി ചെലവുകളും പൊതുഗതാഗത കോർപ്പറേഷൻ വഹിക്കും. പൊതുഗതാഗതം, പ്രത്യേകിച്ച് ഗ്രാമീണ റൂട്ടുകളിൽ, പെട്ടെന്നുള്ള നിരക്ക്…

കൊൽക്കത്ത : എംഎൽഎ ഋതബ്രത ബാനർജിയെ പ്രതിപക്ഷ നേതാവായി അംഗീകരിച്ച ബംഗാൾ നിയമസഭാ സ്പീക്കറുടെ തീരുമാനത്തിന് സ്റ്റേ ഇല്ല . കേസിൽ ഇടപെടാൻ കൽക്കട്ട ഹൈക്കോടതി വിസമ്മതിച്ചു. കേസിൽ തുടർനടപടികളിൽ തീരുമാനമാകുന്നതു വരെ അദ്ദേഹത്തിന് ആ സ്ഥാനത്ത് തുടരാമെന്ന് കോടതി വ്യക്തമാക്കി. സ്പീക്കറുടെ നീക്കത്തിനെതിരെ സ്റ്റേ നൽകാനും ജസ്റ്റിസ് കൃഷ്ണ റാവു അവധിക്കാല ബെഞ്ച് വിസമ്മതിച്ചു. ഋതബ്രത ബാനർജിയെ അംഗീകരിച്ചുകൊണ്ടുള്ള സ്പീക്കറുടെ ഉത്തരവിന്റെ പൂർണ്ണരൂപം കോടതി ആവശ്യപ്പെട്ടു. ആ ഉത്തരവ് ഔദ്യോഗികമായി രേഖപ്പെടുത്തിയതിനുശേഷം മാത്രമേ കേസിന്റെ സാരമായ പരിശോധന തുടരുകയുള്ളൂവെന്നും കോടതി സൂചിപ്പിച്ചു. പാർട്ടി വിരുദ്ധ പ്രവർത്തനങ്ങളുടെ പാർട്ടിയിൽ നിന്ന് പുറത്താക്കപ്പെട്ട തൃണമൂൽ എംഎൽഎയായ ഋതബ്രത ബാനർജിയെ സഭയിലെ ടിഎംസി നിയമസഭാംഗങ്ങളുടെ നേതാവായും ബംഗാൾ നിയമസഭയിലെ ഔദ്യോഗിക പ്രതിപക്ഷ നേതാവായും സ്പീക്കർ രതിന്ദ്ര ബോസാണ് തീരുമാനിച്ചത്. വിമത ടിഎംസി എംഎൽഎമാരുടെ ഒരു സംഘം ഋതബ്രത ബാനർജിയെ തങ്ങളുടെ നേതാവായി പിന്തുണയ്ക്കുന്ന പ്രമേയം പാസാക്കി 60 ഓളം നിയമസഭാംഗങ്ങളുടെ പിന്തുണ ഉറപ്പിച്ച ശേഷമാണ്…

തിരുവനന്തപുരം: അഭിനവ് സുന്ദർ നായക് സംവിധാനം ചെയ്ത് നസ്ലിൻ പ്രധാന വേഷത്തിൽ അഭിനയിച്ച ‘മോളിവുഡ് ടൈംസ്’ എന്ന ചിത്രത്തിനെതിരെ പരാതി. സെൻട്രൽ ബോർഡ് ഓഫ് ഫിലിം സർട്ടിഫിക്കേഷന്റെ റീജിയണൽ ഓഫീസറുടെ പരാതിയിൽ തിരുവല്ലം പോലീസാണ് കേസ് രജിസ്റ്റർ ചെയ്തത്. സെൻട്രൽ ബോർഡിന്റെ അനുമതി ലഭിച്ച ശേഷം സിനിമയിൽ നിയമവിരുദ്ധമായ മാറ്റങ്ങൾ വരുത്തിയെന്നാണ് പരാതി. സെൻസർ ചെയ്ത ഭാഗം തിയേറ്ററിൽ പ്രദർശിപ്പിച്ചതായും പരാതിയിൽ ആരോപിക്കുന്നു. സിനിമയുടെ സംവിധായകൻ, നിർമ്മാതാവ്, വിതരണക്കാരൻ എന്നിവർക്കെതിരെയാണ് കേസ് രജിസ്റ്റർ ചെയ്തിരിക്കുന്നത്. ഇവരെ പൊലീസ് വിളിച്ചു വരുത്തി വിശദീകരണം തേടും. സെൻസർ ബോർഡ് ചില ഭാഗങ്ങൾ നീക്കം ചെയ്യാനും ചില സംഭാഷണങ്ങൾ മ്യൂട്ട് ചെയ്യാനും നിർദേശം നൽകിയിരുന്നു. പക്ഷെ അണിയറക്കാർ തിയേറ്ററിൽ പ്രദർശിപ്പിച്ചത് ഇത്തരം മാറ്റങ്ങൾ വരുത്തിയ സിനിമയായിരുന്നില്ല. ഏതൊക്കെ ഭാഗങ്ങളാണോ നീക്കം ചെയ്യാൻ നിർദേശിച്ചത്, അത് കോർത്തിണക്കുകയും മ്യൂട്ട് ചെയ്ത ഭാഗങ്ങൾ മ്യൂട്ട് ഒഴിവാക്കുകയും ചെയ്തു. സിനിമാട്ടോഗ്രാഫി നിയമങ്ങൾക്ക് വിരുദ്ധമായാണ് സിനിമ തിയേറ്ററിൽ പ്രദർശിപ്പിച്ചതെന്നും പരാതിയിൽ പറയുന്നു.…

തിരുവനന്തപുരം: തിരുവനന്തപുരം നഗരത്തിന്റെ സ്വപ്ന പദ്ധതിയായ മെട്രോയുടെ വിശദമായ പദ്ധതി റിപ്പോർട്ട് രണ്ടാഴ്ചയ്ക്കുള്ളിൽ സംസ്ഥാന സർക്കാരിന് സമർപ്പിക്കും. ഡൽഹി മെട്രോ റെയിൽ കോർപ്പറേഷനാണ് ഡി പി ആർ തയ്യാറാക്കിയിരിക്കുന്നത്. പദ്ധതിയുടെ നിർമ്മാണം ചിലവടക്കമുള്ള ഡിപിആർ കൊച്ചി മെട്രോ റെയിൽ ലിമിറ്റഡ് മന്ത്രിസഭയുടെ അംഗീകാരത്തിനായി സമർപ്പിക്കും. അംഗീകാരം ലഭിച്ചാൽ, ഡിപിആർ കേന്ദ്രനഗര കാര്യമന്ത്രാലയത്തിന് സമർപ്പിക്കും . അംഗീകാരം ലഭിച്ചാൽ ആറ് മാസത്തിനകം നിർമ്മാണം ആരംഭിക്കും പുതുക്കിയ അലൈൻമെന്റിൽ 31 കിലോമീറ്റർ ദൂരമുണ്ട്. പാപ്പനംകോട് മുതൽ ഈഞ്ചക്കൽ വരെ നീളുന്ന മെട്രോ റെയിൽവേ പദ്ധതിയിൽ 27 സ്റ്റേഷനുകൾ ഉൾപ്പെടും, അതിൽ മൂന്നെണ്ണം ഇന്റർചേഞ്ച് സ്റ്റേഷനുകളായി ആസൂത്രണം ചെയ്തിട്ടുണ്ട്. ഏകദേശം 8,000 കോടി രൂപയാണ് ഏകദേശ പദ്ധതി ചെലവ്. ഒന്നാം ഘട്ടം പാപ്പനംകോട് നിന്ന് ആരംഭിച്ച് കിള്ളിപ്പാലം, തമ്പാനൂർ, സെക്രട്ടേറിയറ്റ്, പാളയം, പട്ടം, മെഡിക്കൽ കോളേജ്, ഉള്ളൂർ, കാര്യവട്ടം കടന്ന് കഴക്കൂട്ടത്ത് എത്തുന്ന രീതിയിലാണ് തയ്യാറാക്കിയിരിക്കുന്നത്. അവിടെനിന്ന് ടെക്‌നോപാർക്ക്, ആക്കുളം, ചാക്ക വഴി ഈഞ്ചയ്ക്കൽവരെയും എത്തുന്ന…

കൊച്ചി : അവയവക്കടത്ത് കേസുമായി ബന്ധപ്പെട്ട് സംസ്ഥാനത്ത് അഞ്ചിടത്ത് ഇഡി റെയ്ഡ് . കൊച്ചിയിലെ 2 സ്വകാര്യ അശുപത്രികൾ , കോട്ടയത്തെയും, തിരുവനന്തപുരത്തെയും ഓരോ ആശുപത്രികൾ , കേസിലെ ഇടനിലക്കാരായ കൊല്ലം പുളിയത്തുമുക്ക് ശ്രീജ, സുധീർ എന്നിവരുടെ വീടുകളിലാണ് റെയ്ഡുകൾ നടക്കുന്നത്. അവയവക്കടത്ത് കേസിലെ മുഖ്യപ്രതിയായ നജീബിന് വൻ തുക കമ്മീഷൻ ലഭിച്ചതായി കണ്ടെത്തിയതിന്റെ അടിസ്ഥാനത്തിലാണ് റെയ്ഡ് നടത്തുന്നതെന്ന് റിപ്പോർട്ടുകൾ പറയുന്നു. കാസർകോട് സ്വദേശിയായ നജീബിനെ കഴിഞ്ഞ മാസം ഗാസിയാബാദിൽ നിന്ന് അറസ്റ്റ് ചെയ്തു. മെഡിക്കൽ ടൂറിസത്തിന്റെ മറവിലാണ് അവയവക്കടത്ത് നടത്തിയത്. അവയവക്കടത്തുമായി ബന്ധപ്പെട്ട് കള്ളപ്പണ ഇടപാടുകൾ നടന്നിട്ടുണ്ടെന്ന വിവരത്തിന്റെ അടിസ്ഥാനത്തിലാണ് ഇഡിയുടെ നിർണ്ണായക നീക്കം. കേസിൽ നേരത്തെ അറസ്റ്റിലായ പ്രതികളെ ചോദ്യം ചെയ്തതിൽ നിന്ന് ലഭിച്ച വിവരങ്ങളുടെ അടിസ്ഥാനത്തിലാണ് സ്വകാര്യ ആശുപത്രികളിൽ റെയ്ഡ് നടക്കുന്നത്. പരിശോധന നടക്കുന്ന കേന്ദ്രങ്ങളിൽ വൻ സുരക്ഷയാണ് ഏർപ്പെടുത്തിയിട്ടുള്ളത്. കൊച്ചിയിൽ റെയ്ഡ് നടക്കുന്ന ആശുപത്രിയിൽ നിന്ന് നജീബിന്റെ അക്കൗണ്ടിലേയ്ക്ക് വലിയ തുക കമ്മീഷനായി കൈമാറ്റം ചെയ്യപ്പെട്ടിട്ടുണ്ടെന്നാണ്…

നെയ്യാറ്റിൻകര ; നനഞ്ഞ് കിടന്ന റോഡിൽ ബ്രേക്കിട്ട ബസ് തെന്നിമാറി കാറിലിടിച്ച് യുവാവിന് ദാരുണാന്ത്യം . നെയ്യാറ്റിൻകര ഓണംകോട് ആർഎസ് ഭവനിൽ അജുവിന്റെയും ആർ.എസ്. ശ്രീദേവിയുടെയും മകൻ അരുൺ കൃഷ്ണൻ (26) ആണ് മരിച്ചത്. ബുധനാഴ്ച രാവിലെ 7.45 നാണ് സംഭവം. അപകടത്തെ തുടർന്ന് അബോധാവസ്ഥയിലായ പാപ്പനംകോട് ഡിപ്പോയിലെ താൽക്കാലിക ഡ്രൈവർ ഷിബുവിനെ (48) നെയ്യാറ്റിൻകര ജനറൽ ആശുപത്രിയിൽ പ്രവേശിപ്പിച്ചു. അപകടത്തിൽ അഞ്ച് ബസ് യാത്രക്കാർക്കും പരിക്കേറ്റു. വെഞ്ഞാറമൂട് സ്വദേശി ആഷിക്, മഞ്ഞവിളാകം സ്വദേശി അനുഷ, ലിജോ മിനി എന്നിവർക്ക് നെയ്യാറ്റിൻകര ജനറൽ ആശുപത്രിയിൽ പ്രഥമശുശ്രൂഷ നൽകി. തിരുവനന്തപുരത്തെ സ്വകാര്യ കമ്പനിയിൽ ഡ്രൈവറായ അരുൺ കൃഷ്ണന്റെ വിവാഹം, മരുതത്തൂർ സ്വദേശിയായ യുവതിയുമായി ഓഗസ്റ്റ് 23 ന് നടത്താൻ നിശ്ചയിച്ചിരുന്നു. നെയ്യാറ്റിൻകരയിൽ നിന്ന് കളിയിക്കാവിളയിലേക്ക് പോകുകയായിരുന്ന ബസ് പാറശാലയിൽ നിന്ന് വരികയായിരുന്ന കാറിൽ ഇടിക്കുകയായിരുന്നു. അരുൺ നെയ്യാറ്റിൻകര ജനറൽ ആശുപത്രിയിൽ നഴ്‌സായ ബന്ധുവിനെ കൊണ്ടുപോകാൻ പോകുമ്പോഴാണ് അപകടം. ബസ് അമിത വേഗതയിലായിരുന്നുവെന്ന് നാട്ടുകാർ…