തിരുവനന്തപുരം: പോത്തൻകോട് സുധീഷ് കൊലക്കേസിലെ 11 പ്രതികൾക്കും ജീവപര്യന്തം തടവ് ശിക്ഷ . നെടുമങ്ങാട് സ്പെഷ്യൽ സെഷൻസ് കോടതിയിലെ ജഡ്ജി എ ഷാജഹാനാണ് കേസ് പരിഗണിച്ചത് .
ഉണ്ണി, ശ്യാം, രാജേഷ്, നിധീഷ്, നന്ദീഷ്, രഞ്ജിത്ത്, ശ്രീനാഥ്, സൂരജ്, അരുൺ, ജിഷ്ണു പ്രദീപ്, സച്ചി എന്നിവർ കുറ്റക്കാരാണെന്ന് കോടതി കണ്ടെത്തി. രണ്ടാം പ്രതിയായ ശ്യാംകുമാർ സുധീഷിന്റെ ഭാര്യ അശ്വതിയുടെ സഹോദരനാണ്. കൊലപാതകം, ഭവനഭേദനം, എസ്സി/എസ്ടി എന്നീ വകുപ്പുകൾ പ്രതികൾക്കെതിരെ ചുമത്തിയിരുന്നെങ്കിലും ഗൂഢാലോചന തെളിയിക്കാൻ പ്രോസിക്യൂഷന് കഴിഞ്ഞില്ല. 2021 ഡിസംബർ 11 ന് ഉച്ചയ്ക്ക് 2.30 നാണ് സുധീഷ് കൊല്ലപ്പെട്ടത്. ചെമ്പകമംഗലം ലക്ഷം വീട് കോളനിയിലെ സുധീഷ് കലൂരിലെ ബന്ധു സജീവിന്റെ വീട്ടിൽ ഒളിവിൽ കഴിയവേ 11 അംഗ സംഘം വെട്ടിക്കൊലപ്പെടുത്തുകയായിരുന്നു . കേസിലെ 11 പ്രതികൾക്കും ക്രിമിനൽ പശ്ചാത്തലമുണ്ട്. ദൃക്സാക്ഷികൾ പോലും കോടതിയിൽ മൊഴി നൽകാൻ തയ്യാറായില്ല.
മുൻ നെടുമങ്ങാട് ഡിവൈഎസ്പി എം കെ സുൽഫിക്കർ, പോത്തൻകോട് ഇൻസ്പെക്ടർ ശ്യാം എന്നിവരുടെ നേതൃത്വത്തിലാണ് കുറ്റപത്രം സമർപ്പിച്ചത്. സ്പെഷ്യൽ പബ്ലിക് പ്രോസിക്യൂട്ടർ പിൻമാറിയതിനെത്തുടർന്ന് ജില്ലാ സർക്കാർ പ്ലീഡർ നേരിട്ട് കേസ് നടത്തുകയായിരുന്നു. പ്രോസിക്യൂഷനു വേണ്ടി ജില്ലാ ഗവൺമെന്റ് പ്ലീഡർ ഡോ. ടി. ഗീന കുമാരി ഹാജരായി. പ്രോസിക്യൂഷനും സാക്ഷികൾക്കും നേരെ ഭീഷണി ഉണ്ടായിരുന്നതിനാൽ പോലീസ് കർശന സുരക്ഷ ഒരുക്കിയിരുന്നു.
84 സാക്ഷികളെയും 58 മുഖ്യപ്രതികളെയും കോടതിയിൽ ഹാജരാക്കി. 2021 ഡിസംബർ 6 ന് മങ്ങാട്ടുമൂലയിലെ വിഷ്ണുവിനെയും അഖിലിനെയും വെട്ടിക്കൊലപ്പെടുത്തിയ കേസിൽ സുധീഷ് പ്രതിയായിരുന്നു. ആസാദ്, സുധീഷിന്റെ സഹോദരീഭർത്താവ് ശ്യാം കുമാർ, കുപ്രസിദ്ധ കുറ്റവാളി ഒട്ടകം രാജേഷ് എന്നിവരുൾപ്പെടെ 11 പേരിൽ പത്ത് പേർ നിരവധി ക്രിമിനൽ കേസുകളിൽ പ്രതികളാണ്.
