ഇസ്ലാമാബാദ് : പ്രവാചകനെക്കുറിച്ച് വിവാദ പരാമർശങ്ങൾ നടത്തിയെന്നാരോപിച്ച് പ്രശസ്ത പാകിസ്ഥാൻ പുരോഹിതനും യൂട്യൂബർ എഞ്ചിനീയർ മുഹമ്മദ് അലി മിർസയെ പോലീസ് അറസ്റ്റ് ചെയ്തു.3.1 ദശലക്ഷത്തിലധികം യൂട്യൂബ് ഫോളോവേഴ്സുള്ള എഞ്ചിനീയർ മിർസയെ മെയിന്റനൻസ് ഓഫ് പബ്ലിക് ഓർഡർ (എംപിഒ) ഓർഡിനൻസ് പ്രകാരം 30 ദിവസത്തേക്ക് തടങ്കലിൽ വയ്ക്കുകയും പിന്നീട് ജയിലിലേക്ക് മാറ്റുകയും ചെയ്തു.
“സോഷ്യൽ മീഡിയയിൽ വൈറലായ” വിവാദ പരാമർശങ്ങൾക്ക് ഒരു മതവിഭാഗം നിയമനടപടി ആവശ്യപ്പെട്ട് അപേക്ഷ നൽകിയതിനെ തുടർന്നാണ് പുരോഹിതന്റെ അറസ്റ്റ് എന്ന് പാക് മാധ്യമമം ഡോൺ റിപ്പോർട്ട് ചെയ്തു.
ജെലം സിറ്റിയിലെ മെഷീൻ മൊഹല്ലയിൽ താമസിക്കുന്ന മിർസ, തന്റെ യൂട്യൂബ് ചാനലിലൂടെ മതത്തെയും സമൂഹത്തെയും കുറിച്ച് പ്രഭാഷണങ്ങൾ നടത്തുന്നുണ്ട് . പലപ്പോഴും മതത്തെ പറ്റി തുറന്നുപറച്ചിലുകൾക്ക് പേരുകേട്ട അദ്ദേഹം കുറഞ്ഞത് നാല് കൊലപാതക ശ്രമങ്ങളിൽ നിന്ന് രക്ഷപ്പെട്ടിട്ടുണ്ട്, പലപ്പോഴും വിവാദങ്ങൾ സൃഷ്ടിച്ചിട്ടുമുണ്ട്.
മറ്റൊരു സമൂഹം പ്രവാചകൻ മുഹമ്മദിനെ ഒരു പ്രത്യേക പേരിൽ പരാമർശിച്ചതായി മിർസ പറഞ്ഞുവെന്നാണ് പരാതി . മിർസ പാകിസ്ഥാനിലെ ഉന്നത മത പുരോഹിതന്മാരിൽ ഒരാളാണ്, കൂടാതെ ഓൺലൈനിലും ഓഫ്ലൈനിലും വലിയൊരു വിഭാഗം അനുയായികളുമുണ്ട്. മിർസയെ അറസ്റ്റ് ചെയ്ത എംപിഒയുടെ സെക്ഷൻ 3, “പൊതു സുരക്ഷയ്ക്ക് ദോഷകരമായി പ്രവർത്തിക്കുന്ന ഏതെങ്കിലും വ്യക്തിയെ തടയുന്നതിനോ” അല്ലെങ്കിൽ പൊതു ക്രമസമാധാനം നിലനിർത്തുന്നതിനോ സംശയിക്കപ്പെടുന്ന വ്യക്തികളെ അറസ്റ്റ് ചെയ്യാനും തടങ്കലിൽ വയ്ക്കാനും അധികാരികൾക്ക് അധികാരം നൽകുന്നതാണ്.
എഞ്ചിനീയർ മിർസ ഒരു വിവാദത്തിൽ അകപ്പെടുന്നത് ഇതാദ്യമല്ല. ഉമയ്യദ് ഖിലാഫത്തിന്റെ ആദ്യ ഖലീഫയായ മുആവിയ ഒന്നാമനെക്കുറിച്ചുള്ള മിർസയുടെ വീക്ഷണങ്ങൾ, പാകിസ്ഥാനിലെ പരമ്പരാഗത സുന്നി മുസ്ലീം പണ്ഡിതർക്കിടയിൽ അദ്ദേഹത്തെ ഒരു വിവാദ വ്യക്തിയാക്കി മാറ്റി. മുആവിയയെക്കുറിച്ചുള്ള വ്യാഖ്യാനങ്ങളിൽ ദിയോബന്ദി പണ്ഡിതനായ താരിഖ് മസൂദുമായി വാഗ്വേദവും ഉണ്ടായി. 2021 മെയ് മാസത്തിൽ ഝലമിൽ ഒരു മുഖാമുഖ സംവാദത്തിന് മിർസ മസൂദിനെ വെല്ലുവിളിച്ചു. മസൂദ് ഹാജരാകാത്തതിനാൽ ചർച്ച ആദ്യം മാറ്റിവച്ചു. മാസങ്ങൾക്കുശേഷം, മസൂദ് വെല്ലുവിളി സ്വീകരിച്ച് കറാച്ചിയിൽ നിന്ന് എത്തിയെങ്കിലും പക്ഷേ തനിക്ക് മിർസയുമായി ബന്ധപ്പെടാൻ കഴിഞ്ഞില്ലെന്നാണ് പറഞ്ഞത്.
