കൊല്ലം ; വർക്കലയിൽ വിവാഹത്തട്ടിപ്പ് നടത്തി സ്വർണവും, പണവും കവർന്നയാൾ പിടിയിൽ. താന്നിമൂട് സ്വദേശിയായ 31 കാരൻ നിതീഷ് ബാബുവാണ് അറസ്റ്റിലായത്.
ഒരേസമയം നാലു യുവതികളുടെ ഭർത്താവായിരിക്കുന്ന നിതീഷ് അഞ്ചാമതൊരു യുവതിയുമായി അടുപ്പത്തിലാണെന്ന് നഗരൂർ സ്വദേശിയായ നാലാം ഭാര്യ അറിഞ്ഞതാണ് കാര്യങ്ങൾ പുറം ലോകം അറിയാൻ ഇടവന്നത് .
നിതീഷ്ബാബു നിരവധി യുവതികളെ വിവാഹത്തട്ടിപ്പിൽ കുടുക്കിയിട്ടുണ്ടെന്നും , ഒരു വിവാഹവും നിയമപരമായി രജിസ്റ്റർ ചെയ്തിട്ടില്ലെന്നും പോലീസ് അന്വേഷണത്തിൽ വ്യക്തമായി.
പ്രതിയുടെ വീട് വളഞ്ഞാണ് പോലീസ് അറസ്റ്റ് ചെയ്തത് . തട്ടിപ്പിനിരയായ യുവതികൾ പോലീസ് സ്റ്റേഷനിൽ എത്തി പണവും സ്വർണ്ണവും നഷ്ടപ്പെട്ട വിവരം അറിയിക്കുകയായിരുന്നു. 20 പവന്റെ ആഭരണങ്ങളും 8 ലക്ഷത്തോളം രൂപയും നിതീഷ് തട്ടിയെടുത്തതായി യുവതികൾ പറഞ്ഞു.
Discussion about this post
