ധർമ്മസ്ഥലയിലെ വെളിപ്പെടുത്തലുകൾ വ്യാജമാണെന്ന് റിപ്പോർട്ടുകൾ അടുത്തിടെയാണ് വന്നത് . അതിനു പിന്നാലെ വെളിപ്പെടുത്തലുകളുമായി ബന്ധപ്പെട്ട വീഡിയോകൾ നിർമ്മിച്ച മനാഫ് ഒളിവിലാണെന്ന് വാർത്തകൾ വന്നിരുന്നു . ഇത് തള്ളി രംഗത്തെത്തിയിരിക്കുകയാണ് മനാഫ് .
“ഞാൻ ഇപ്പോൾ ജയിലിലാണ്. കുറച്ച് ദിവസങ്ങളായി ഇതേ വാർത്തയാണ് വരുന്നത്. കേരളത്തിലെ ചില മാധ്യമങ്ങൾ എന്നെ ജയിലിലടയ്ക്കാൻ വന്നിട്ടുണ്ട്. എനിക്ക് ജീവപര്യന്തം തടവ് ലഭിക്കണമെന്ന് ആഗ്രഹമുണ്ടായിരുന്നു, പക്ഷേ കൊലപാതകക്കുറ്റത്തിന് തൂക്കിക്കൊല്ലാൻ വിധിക്കപ്പെട്ടു. ഞാൻ ഇപ്പോൾ ജയിലിലാണ് “ എന്ന് പറഞ്ഞാണ് വീഡിയോ തുടങ്ങുന്നത് .
‘ ഞാൻ ഇപ്പോൾ ജയിലിലാണെന്ന് ചില മാധ്യമങ്ങൾ പറയുന്നു. അൽ ജസീറ ചാനൽ കൊണ്ടുവന്നത് ഞാനാണെന്ന് അവർ പറയുന്നു. ഈ വിഷയത്തിൽ എനിക്ക് കോടിക്കണക്കിന് രൂപ ലഭിച്ചുവെന്ന് അവർ പറയുന്നു. അത് എവിടെ നിന്നാണ് വന്നതെന്ന് അവർ പറയുന്നില്ല. കർണാടക പോലീസ് എന്നെ അറസ്റ്റ് ചെയ്ത് ജയിലിലടച്ചതായി അവർ പറയുന്നു.
ഈ കാര്യം ഞാൻ കേരളത്തിലെ ജനങ്ങളെ അറിയിച്ചു. ഇത്രയും വലിയ ഒരു കൂട്ടക്കൊലയെക്കുറിച്ച് ലോകത്തെ അറിയിച്ചതാണ് എന്റെ തെറ്റ്. അമ്മമാരുടെ കണ്ണുനീർ കാണാൻ ഞാൻ ആഗ്രഹിക്കുന്നില്ല. കൊല്ലപ്പെട്ടവർക്ക് നീതി ലഭിക്കണം. ഈ തെറ്റിനാണ് ഞാൻ ഇപ്പോൾ ജയിലിലായിരിക്കുന്നത്. നീതി ആഗ്രഹിച്ചതാണ് എന്റെ തെറ്റ്. അതുപോലെ, സുജാത ഭട്ട് എന്ന സ്ത്രീ പറയുന്നത് സത്യമാണെന്ന് ഞാൻ വിശ്വസിക്കുന്നു. ഒന്നോ രണ്ടോ സ്ഥലങ്ങളിൽ നിന്ന് കണ്ടെത്തിയ അസ്ഥികൾ മനുഷ്യരുടേതാണ്. അവ ആരുടേതാണ്?കൊലപാതകം ആരു നടത്തി എന്തിന് നടത്തി എന്ന് ചോദിച്ചതാണ് തെറ്റ്.
ഷിരൂരിലും ഇതുപോലെ എനിക്കെതിരെ എന്തൊക്കെ പ്രചാരണം നടന്നു . ഇന്നും വേട്ടയാടുന്നു. ഈ പോരാട്ടത്തിൽ അവസാനം കണ്ടിട്ടേ അടങ്ങൂ . പോരാട്ടത്തിൽ ഏതറ്റം വരെയും ഞാൻ പോകും. മനാഫിനെ പോലെ ഒരുപാട് പേര് രംഗത്തുവരണം’ എന്നും മനാഫ് യൂട്യൂബില് പോസ്റ്റ് ചെയ്ത വിഡിയോയില് പറഞ്ഞു.
