തിരുവനന്തപുരം: കെപിസിസിയിലെ നേതൃമാറ്റവുമായി ബന്ധപ്പെട്ട് കോൺഗ്രസിൽ പൊട്ടിത്തെറി നടക്കുന്നുണ്ടെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദൻ . “കോൺഗ്രസ് പ്രസിഡന്റ് ആരായാലും പ്രശ്നമല്ല, കോൺഗ്രസിൽ നടക്കുന്ന പൊട്ടിത്തെറി 2026-ലും അവസാനിക്കില്ല, കോൺഗ്രസ് തന്നെ ഒതുക്കി നിർത്താൻ ശ്രമിക്കുകയാണെന്ന് സുധാകരൻ തന്നെ പറയുന്നു,” ഗോവിന്ദൻ പറഞ്ഞു.
അതേസമയം, നേതൃമാറ്റ ചർച്ചകൾക്കിടെ സുധാകരൻ മുതിർന്ന കോൺഗ്രസ് നേതാവ് എ.കെ. ആന്റണിയെ കണ്ടു. പ്രസിഡന്റിനെ മാറ്റാനാണ് തീരുമാനമെങ്കിൽ താൻ സ്ഥാനം ഒഴിയാൻ തയ്യാറാണെന്നും പൊതുചർച്ചകളിലൂടെ തന്നെ അപമാനിക്കുന്നത് ഒഴിവാക്കണമെന്നും സുധാകരൻ ആവശ്യപ്പെട്ടു. തനിക്ക് സുഖമില്ലെന്ന വാർത്ത ചിലർ മനഃപൂർവ്വം പ്രചരിപ്പിക്കുകയാണെന്നും സുധാകരൻ ആരോപിച്ചു.
Discussion about this post
