കണ്ണൂർ ; സ്വന്തം മണ്ഡലമായ ധർമ്മടത്ത് മുഖ്യമന്ത്രി പിണറായി വിജയന്റെ ആദ്യ തിരഞ്ഞെടുപ്പ് പ്രചാരണം . പിണറായിയിൽ മുഖ്യമന്ത്രിക്ക് സ്വീകരണം നൽകും. സിപിഐഎം ജില്ലാ സെക്രട്ടറി കെ കെ രാഗേഷ്, സിഎൻ ചന്ദ്രൻ, എം സുരേന്ദ്രൻ, ജില്ലാ നേതാക്കൾ മുഖ്യമന്ത്രിയെ കണ്ണൂർ വിമാനത്താവളത്തിലെത്തി സ്വീകരിച്ചു.
സ്ഥാനാർഥി പ്രഖ്യാപനത്തിന് ശേഷം കണ്ണൂരിലേക്കുള്ള മുഖ്യമന്ത്രിയുടെ ആദ്യ വരവ് ആഘോഷമാക്കാനാണ് സിപിഐഎമ്മിന്റെ തീരുമാനം. പിണറായിലേക്ക് റോഡ് ഷോ ആയാണ് പോകുന്നത്. സിപിഎമ്മിന് ജില്ലയിൽ വിമതഭീഷണി നിലനിൽക്കുമ്പോഴാണ് മുഖ്യമന്ത്രി കണ്ണൂരിലേക്ക് എത്തുന്നത്. വിമതർ കാലപക്കൊടി ഉയർത്തിയിരിക്കുന്ന ഘട്ടത്തിലാണ് മുഖ്യമന്ത്രി ഇന്ന് പ്രചരണത്തിന് എത്തുന്നത്.
പിണറായിയിലാണ് മുഖ്യമന്ത്രിയുടെ ആദ്യത്തെ തിരഞ്ഞെടുപ്പ്പൊതുയോഗം. അതേസമയം എൽഡിഎഫിന്റെ തിരഞ്ഞടുപ്പ് കൺവൻഷൻ നാളെ മുതൽ ആരംഭിക്കും.പാലക്കാട്, കൊണ്ടോട്ടികൊടുവളളി, കോട്ടക്കൽ തിരൂർ മണ്ഡലങ്ങളിൽ പാർട്ടി പിന്തുണയോടെ മത്സരിക്കുന്ന സ്ഥാനാർത്ഥികളെയാണ് ഇനി പ്രഖ്യാപിക്കാനുളളത്.
