ടെഹ്റാൻ ; ഇറാനിൽ വീണ്ടും ഭൂചലനം . യുണൈറ്റഡ് സ്റ്റേറ്റ്സ് ജിയോളജിക്കൽ സർവേ പുറത്തുവിട്ട കണക്കുകൾ പ്രകാരം ശനിയാഴ്ച രാവിലെ തെക്കൻ ഇറാനിലെ ബന്ദർ അബ്ബാസിന് സമീപം 4.1 തീവ്രതയുള്ള ഭൂകമ്പം ഉണ്ടായി.
ബന്ദർ അബ്ബാസിന് പടിഞ്ഞാറ് ഏകദേശം 74 കിലോമീറ്റർ അകലെ, ഉപരിതലത്തിന് ഏകദേശം 10 കിലോമീറ്റർ താഴെ ആഴത്തിലാണ് ഭൂകമ്പം ഉണ്ടായത്. ഇറാനിലെ പ്രാദേശിക സമയം അതിരാവിലെ 03:18:12 UTC നാണ് ഭൂകമ്പം രേഖപ്പെടുത്തിയത്.ഭൂകമ്പ പ്രഭവകേന്ദ്രം ആഗോള കപ്പൽ പാതയായ ഹോർമുസ് കടലിടുക്കിന്റെ വടക്ക് ഭാഗത്തോട് അടുത്താണ് .
ഭൂമിശാസ്ത്രപരമായി, ഈ പ്രദേശം പതിവ് ഭൂകമ്പ പ്രവർത്തനങ്ങൾക്ക് പേരുകേട്ട മേഖലയായ സാഗ്രോസ് ഫോൾഡ് ആൻഡ് ത്രസ്റ്റ് ബെൽറ്റിനുള്ളിലാണ് സ്ഥിതി ചെയ്യുന്നത്. ഭൂകമ്പത്തെത്തുടർന്ന് ആളപായമോ കാര്യമായ നാശനഷ്ടങ്ങളോ അധികൃതർ റിപ്പോർട്ട് ചെയ്തിട്ടില്ല.
ഈ ആഴ്ചയുടെ തുടക്കത്തിൽ, ഇറാനിലെ ഫാർസ് പ്രവിശ്യയിലെ ഗെരാഷിൽ 4.3 തീവ്രത രേഖപ്പെടുത്തിയ മറ്റൊരു ഭൂകമ്പം രേഖപ്പെടുത്തിയിരുന്നു.നിരീക്ഷണ ഏജൻസികൾ പ്രദേശത്ത് ഭൂകമ്പ പ്രവർത്തനങ്ങൾ നിരീക്ഷിക്കുന്നത് തുടരുന്നു. ഇതുവരെ ഒരു തുടർചലനങ്ങളോ അടിയന്തര മുന്നറിയിപ്പുകളോ ഉണ്ടായിട്ടില്ല.
