ചെന്നൈ : തമിഴ്നാട്ടിലെ സ്കൂളിൽ ഹിന്ദി പഠിച്ച് വളർന്നയാളാണ് ഗൂഗിൾ സിഇഒ സുന്ദർ പിച്ചൈയെന്ന് ബിജെപി അദ്ധ്യക്ഷൻ കെ അണ്ണാമലൈ . ദേശീയ വിദ്യാഭ്യാസനയം നടപ്പാക്കുന്നതിനെ എതിർക്കുന്ന ഡിഎംകെ സർക്കാരിനുള്ള മറുപടി എന്ന നിലയിൽ സുന്ദർ പിചൈയുടെ ഒരു വീഡിയോയും അണ്ണാമലൈ പങ്ക് വച്ചു.
അതിൽ താൻ സ്കൂളിൽ ഹിന്ദി പഠിച്ചതിനെക്കുറിച്ച് സുന്ദർ പിച്ചെ സംസാരിക്കുന്നുണ്ട്. വീഡിയോയും . ടെക് ഭീമന് മൂന്ന് ഭാഷകൾ പഠിക്കാൻ കഴിയുമെങ്കിൽ, സംസ്ഥാനത്തെ എല്ലാ വിദ്യാർത്ഥികൾക്കും ഈ അവസരം ലഭ്യമാകണമെന്നും അണ്ണാമലൈ പറഞ്ഞു.
‘ ഗൂഗിൾ സിഇഒ സുന്ദർ പിച്ചൈ തന്റെ സ്കൂളിൽ മൂന്ന് ഭാഷകൾ പഠിച്ചു, അതിൽ ഹിന്ദിയും ഉൾപ്പെടുന്നു, നിങ്ങളുടെ അവകാശവാദത്തിന് വിരുദ്ധമാണിത്,‘ തമിഴ്‌നാട് മന്ത്രി പി.ടി.ആർ. ത്യാഗരാജനെ ടാഗ് ചെയ്തുകൊണ്ട് അണ്ണാമലൈ ട്വീറ്റ് ചെയ്തു.
മാത്രമല്ല ത്യാഗരാജനും ഡി.എം.കെ. നേതാക്കളും തങ്ങളുടെ മക്കളെ സ്കൂളുകളിൽ മൂന്ന് ഭാഷകൾ പഠിക്കാൻ അനുവദിക്കുകയും സർക്കാർ വിദ്യാർത്ഥികളെ രണ്ടെണ്ണം മാത്രം പഠിക്കാൻ നിർബന്ധിക്കുകയും ചെയ്തതിനെയും അണ്ണാമലൈ വിമർശിച്ചു.
