ചെന്നൈ ; ഹിന്ദു മതചിഹ്നങ്ങളെ അശ്ലീല തമാശകളുമായി ബന്ധിപ്പിച്ച തമിഴ്നാട് മുൻ മന്ത്രിയും മുതിർന്ന ഡിഎംകെ നേതാവുമായ കെ. പൊൻമുടിയെ ശാസിച്ച് മദ്രാസ് ഹൈക്കോടതി . പൊൻമുടിക്കെതിരെ ലഭിച്ച പരാതികൾ അവസാനിപ്പിച്ചത് എന്തിന്റെ അടിസ്ഥാനത്തിലാണെന്നും ഹൈക്കോടതി ചോദിച്ചു . ഔപചാരിക അന്വേഷണം കൂടാതെ പൊൻമുടിയുടെ പ്രസ്താവന വിദ്വേഷ പ്രസംഗമല്ലെന്ന് പോലീസ് എങ്ങനെ തീരുമാനിച്ചുവെന്നും കോടതി ചോദിച്ചു.രാഷ്ട്രീയക്കാർ നിയമത്തിന് അതീതരല്ലെന്നും കോടതി ചൂണ്ടിക്കാട്ടി
‘ ഇക്കാലത്ത്, എല്ലാ രാഷ്ട്രീയക്കാരും, പൊതു പ്രസംഗങ്ങൾ നടത്തുന്ന എല്ലാവരും കരുതുന്നത് ആർട്ടിക്കിൾ 19 (സംസാര സ്വാതന്ത്ര്യം) തങ്ങൾക്ക് സമ്പൂർണ്ണ അവകാശങ്ങൾ നൽകുന്നു എന്നാണ്… ആകാശം മാത്രമാണ് പരിധി എന്നാണ്. അത് കണ്ട് കോടതിക്ക് വെറുതെ ഒരു നിശബ്ദ കാഴ്ചക്കാരനാകാൻ കഴിയില്ല. ന്യായമായ നിയന്ത്രണങ്ങളുണ്ട്. നിരവധി വിഭാഗങ്ങളും മത സമൂഹങ്ങളുമുണ്ട് ഇന്ത്യയിൽ.
പൊതുജീവിതത്തിലായിരിക്കുമ്പോൾ അതിനെക്കുറിച്ച് ചിന്തിക്കണം. അവർ ഒരു ജനാധിപത്യ രാജ്യത്തിലാണ് ജീവിക്കുന്നതെന്ന് അവർ മനസ്സിലാക്കണം; അത് ഏതെങ്കിലും പ്രത്യേക പൗരന് മാത്രമല്ല, ഓരോ പൗരനും വേണ്ടിയുള്ളതാണ്. ഈ രാജ്യത്ത് 146 കോടി ജനങ്ങളും താമസിക്കുന്നു. പൊതുസ്ഥലത്ത് മൈക്ക് എടുക്കുന്ന എല്ലാവരും മനസ്സിലാക്കണം. ശക്തമായ ഒരു സന്ദേശം ആകണം. രാഷ്ട്രീയക്കാർ ഈ രാജ്യത്തെ രാജാക്കന്മാരാണെന്ന് പറഞ്ഞ് നിരവധി കാര്യങ്ങൾ പറയുകയാണ്, ”ജസ്റ്റിസ് വേൽമുരുകൻ പറഞ്ഞു.
മുൻ മന്ത്രിക്കെതിരായ നടപടികൾ തുടരുമെന്ന് ജഡ്ജി പറഞ്ഞു, പരാതിക്കാർക്ക് നോട്ടീസ് നൽകാതെ പോലീസ് പരാതികൾ അവസാനിപ്പിച്ചാൽ സംസ്ഥാന സർക്കാരിനെതിരെ നടപടിയെടുക്കുമെന്ന് മുന്നറിയിപ്പ് നൽകി.പൊൻമുടിക്കെതിരെ ലഭിച്ച 120 ലധികം പരാതികൾ പോലീസ് പരിശോധിച്ച് അദ്ദേഹം ഒരു കുറ്റകൃത്യവും ചെയ്തിട്ടില്ലെന്ന് നിഗമനത്തിലെത്തിയതായി തമിഴ്നാട് അഡ്വക്കേറ്റ് ജനറൽ പി.എസ്. രാമൻ കോടതിയെ അറിയിച്ചതിനെ തുടർന്നാണ് ഈ നിരീക്ഷണം.
പരാതിക്കാരിൽ നിന്ന് അവരുടെ പരാതികൾ അവസാനിപ്പിച്ചതിന് നിങ്ങൾ രസീതുകൾ വാങ്ങേണ്ടിവരും. അവസാനിപ്പിക്കുന്നതിന് മുമ്പ് നോട്ടീസ് നൽകിയിട്ടില്ലെന്ന് ആരെങ്കിലും വന്ന് പറഞ്ഞാൽ, ഈ കോടതി ശക്തമായി പ്രതികരിക്കും,” ജസ്റ്റിസ് വേൽമുരുകൻ പറഞ്ഞു.
ഏപ്രിൽ 8 ന് നടന്ന ഒരു പ്രാദേശിക രാഷ്ട്രീയ പരിപാടിയിൽ, ശിവഭക്തരായ ശൈവരും വിഷ്ണുഭക്തരായ വൈഷ്ണവരും നെറ്റിയിൽ വരയ്ക്കുന്ന തിലക ചിഹ്നങ്ങളെ അശ്ലീലമായാണ് പൊന്മുടി പറഞ്ഞത് . ഇത് വ്യാപകമായ പ്രതിഷേധത്തിന് കാരണമായി.
പൊൻമുടിയുടെ പരാമർശങ്ങൾ “പ്രഥമദൃഷ്ട്യാ വിദ്വേഷ പ്രസംഗം, സ്ത്രീകളെ അവഹേളിക്കുന്നതും മതസമൂഹങ്ങളെ അപമാനിക്കുന്നതും” ആണെന്ന് നിരീക്ഷിച്ചുകൊണ്ട്, അന്ന് വനം മന്ത്രിയായിരുന്ന പൊൻമുടിയുടെ പരാമർശങ്ങൾക്കെതിരെ മദ്രാസ് ഹൈക്കോടതിയിലെ ജസ്റ്റിസ് എൻ ആനന്ദ് വെങ്കിടേഷ് സ്വമേധയാ നടപടികൾ ആരംഭിച്ചു.
പൊന്മുടി അദ്ദേഹം ക്ഷമാപണം നടത്തി, എന്നാൽ ഒരു ക്ഷമാപണം കൊണ്ട് കാര്യം അവസാനിക്കില്ലെന്ന് കോടതി വ്യക്തമാക്കി . മതവിശ്വാസങ്ങളെ പരിഹസിക്കുന്നത് ഗുരുതരമായ കുറ്റമാണെന്നും കോടതി ചൂണ്ടിക്കാട്ടി.
