ന്യൂഡൽഹി : മുന് പ്രധാനമന്ത്രി ഡോ .മന്മോഹന് സിംഗ് അന്തരിച്ചു. 92 വയസായിരുന്നു. ആരോഗ്യനില വഷളായതിനെ തുടർന്ന് ഡൽഹി എയിംസിൽ പ്രവേശിപ്പിച്ചിരിക്കുകയായിരുന്നു.
1991-96 കാലത്ത് നരസിംഹ റാവു മന്ത്രിസഭയിൽ ധനകാര്യ മന്ത്രിയായാണ് അദ്ദേഹം ശ്രദ്ധിക്കപ്പെട്ടത്. പിന്നീട് 2004 മുതൽ 2014 വരെ രാജ്യം ഭരിച്ച യുപിഎ സർക്കാരിൽ പ്രധാനമന്ത്രിയായിരുന്നു. രാജ്യസഭാംഗമായി തുടർന്ന അദ്ദേഹം ഇക്കഴിഞ്ഞ ഏപ്രിലിൽ കാലാവധി അവസാനിച്ച ശേഷം വിശ്രമജീവിതം നയിക്കുകയായിരുന്നു.
അദ്ധ്യാപകനായിട്ടാണ് അദ്ദേഹം ഔദ്യോഗിക ജീവിതം ആരംഭിച്ചത്. 1972 മുതല് 1976 വരെ കേന്ദ്ര സര്ക്കാരിന്റെ മുഖ്യ ധനകാര്യ ഉപദേഷ്ടാവായിരുന്നു അദ്ദേഹം. 1982-85 കാലയളവില് റിസര്വ് ബാങ്ക് ഗവര്ണറായി പ്രവര്ത്തിച്ചു.
ഇന്ത്യന് സാമ്പത്തിക രംഗത്തെ ഉടച്ചുവാര്ത്ത ധനമന്ത്രിയെന്നാണ് മന്മോഹന് സിംഗിനെ വിശേഷിപ്പിക്കുന്നത്. റിസര്വ് ബാങ്ക് ഗവര്ണര്, നരസിംഹറാവു മന്ത്രിസഭയിലെ ധനമന്ത്രി തുടങ്ങിയ പദവികളും ഡോ. മന്മോഹന് സിംഗ് വഹിച്ചിരുന്നു.
