വിജയപുര : 1998-ൽ തമിഴ്നാട്ടിലെ കോയമ്പത്തൂരിൽ നടന്ന ബോംബ് സ്ഫോടനങ്ങളിലെ മുഖ്യപ്രതി സിദ്ദിഖി രാജ് പിടിയിൽ. വിജയപുരയിൽ നിന്നാണ് 27 വർഷങ്ങൾക്ക് ശേഷം കോയമ്പത്തൂർ പോലീസ് ഇയാളെ അറസ്റ്റ് ചെയ്തത് . നിരോധിത ഭീകരസംഘടനയായ അല്-ഉമ്മയുടെ സജീവപ്രവര്ത്തകനായിരുന്ന രാജയാണ് കോയമ്പത്തൂരില് സ്ഫോടനം നടത്താനുള്ള ബോംബുകള് വിതരണംചെയ്തതെന്നാണ് അന്വേഷണസംഘത്തിന്റെ കണ്ടെത്തല്.
സ്ഫോടനത്തിന് ശേഷം, തമിഴ്നാട്ടിൽ നിന്ന് ഒളിവിൽ പോയ പ്രതി സിദ്ദിഖി രാജ് കഴിഞ്ഞ 27 വർഷമായി വിവിധ സ്ഥലങ്ങളിൽ ഒളിവിൽ കഴിയുകയായിരുന്നു . ഒടുവിൽ, വിജയപുര നഗരത്തിൽ താമസമാക്കി.
ചാമരാജനഗർ ജില്ലയിലെ ഗുണ്ട്ലുപേട്ട് സ്വദേശിയായ സിദ്ദിഖി രാജ്, ഹുബ്ബള്ളിയിൽ നിന്നുള്ള യുവതിയെ വിവാഹം കഴിച്ചു. കഴിഞ്ഞ 12 വർഷമായി വിജയപുരയിൽ പച്ചക്കറികൾ വിറ്റാണ് സിദ്ദിഖി രാജ് ജീവിച്ചിരുന്നത്.ഇയാളെ അന്വേഷിച്ചുകൊണ്ടിരുന്ന പോലീസിന് പ്രതി സിദ്ദിഖി രാജ് വിജയപുരയിൽ ഒളിവിൽ കഴിയുന്നതായി വിവരം ലഭിച്ചു.
ഉടൻ തന്നെ വിജയപുരയിലെത്തിയ പോലീസ് സിദ്ദിഖി രാജിനെ കണ്ടെത്തി അറസ്റ്റ് ചെയ്തു . കോയമ്പത്തൂർ ബോംബ് സ്ഫോടന പരമ്പര ഉൾപ്പെടെ വിവിധ കേസുകളിൽ പ്രതിയായ സിദ്ദിഖി രാജിനെതിരെ അന്വേഷണം നടക്കുന്നുണ്ട്. അറസ്റ്റിലായ പ്രതികൾക്കെതിരെ വർഗീയ കലാപവും കൊലപാതകവുമായി ബന്ധപ്പെട്ട നിരവധി കേസുകളുണ്ട്.
ഏതാനും ആഴ്ചകൾക്ക് മുമ്പ്, മോസ്റ്റ് വാണ്ടഡ് ക്രിമിനലുകളായ അബൂബക്കർ സിദ്ദിഖ്, മുഹമ്മദ് അലി എന്ന യൂനുസ് എന്നിവരെ ആന്ധ്രാപ്രദേശിൽ നിന്ന് അറസ്റ്റ് ചെയ്തിരുന്നു.1998 ഫെബ്രുവരി 14 ന് കോയമ്പത്തൂരിൽ തുടർച്ചയായി ബോംബ് സ്ഫോടനങ്ങൾ നടന്നു. സ്ഫോടനങ്ങളിൽ 59 പേർ കൊല്ലപ്പെടുകയും 231 പേർക്ക് പരിക്കേൽക്കുകയും ചെയ്തു. മുതിർന്ന ബിജെപി നേതാവ് എൽ.കെ. അദ്വാനിയെ വധിക്കാൻ ഗൂഢാലോചന നടന്നതായും അന്വേഷണത്തിൽ കണ്ടെത്തിയിരുന്നു.
