അഗ്നി സുരക്ഷാ പ്രവർത്തനങ്ങൾക്കുള്ള ഗ്രാന്റുകൾ ലഭിക്കുന്നതിനായി രണ്ട് വർഷത്തിലേറെ നീളുന്ന കാത്തിരിപ്പ് . സെൽറ്റിക് ടൈഗർ കാലഘട്ടത്തിൽ നിർമ്മിച്ച 20,000-ത്തിലധികം അപ്പാർട്ടുമെന്റുകളുടെയും ഡ്യൂപ്ലെക്സുകളുടെയും ഉടമകളാണ് സർക്കാരിന്റെ ഇടപെടലിനായി കാത്തിരിക്കുന്നത്.
ഡിറ്റക്ഷൻ സിസ്റ്റങ്ങളിലും റെസിഡന്റ് അലേർട്ടിലും ഒഴിപ്പിക്കൽ അടിസ്ഥാന സൗകര്യങ്ങളിലും വേണ്ട നിർദേശങ്ങൾ നൽകി നിർണായകമായ അഗ്നി സുരക്ഷാ നടപടികൾ വേഗത്തിലാക്കാൻ സർക്കാർ ഇപ്പോൾ സമ്മതിച്ചിട്ടുണ്ട്.2022-ൽ, അന്നത്തെ സർക്കാർ നിയോഗിച്ച വർക്കിംഗ് ഗ്രൂപ്പ് 1991 നും 2013 നും ഇടയിൽ നിർമ്മിച്ച അപ്പാർട്ടുമെന്റുകളും ഡ്യൂപ്ലെക്സുകളും അഗ്നി സുരക്ഷ, ഘടനാപരമായ സുരക്ഷ എന്നിവ ഉറപ്പാക്കാത്തതാണെന്ന് പറഞ്ഞിരുന്നു.
പ്രത്യേകിച്ച് അഗ്നി സുരക്ഷാ തകരാറുകൾ ബാധിച്ച ഉടമകളെ സഹായിക്കുന്നതിന് അടിയന്തര ധനസഹായ സംവിധാനം നൽകാനും സർക്കാരിനുമേൽ സമ്മർദ്ദമുണ്ട്.പൂർണ്ണമായ സുരക്ഷാ നടപടികൾ ഒരുക്കാൻ പത്ത് വർഷം വരെ എടുത്തേക്കാമെന്ന് കണക്കാക്കപ്പെടുന്നു, അതിനാൽ ഫലപ്രദമായ ഒഴിപ്പിക്കൽ സംവിധാനങ്ങൾ ഉണ്ടെന്ന് ഉറപ്പാക്കാൻ ഒരു ഇടക്കാല പരിഹാര പദ്ധതി രൂപീകരിച്ചിട്ടുണ്ട്.
രണ്ട് വർഷം മുമ്പാണ് ഇടക്കാല പദ്ധതി ആരംഭിച്ചത്. എന്നാൽ പൊതു സംഭരണ നിയമങ്ങളും തദ്ദേശ സ്വയംഭരണ സ്ഥാപനങ്ങളിലെ അഗ്നിശമന സേനയിലെ ധനസഹായത്തിനായുള്ള അപേക്ഷകൾ പരിശോധിക്കുന്നതിനുള്ള ഉദ്യോഗസ്ഥരുടെ കുറവും കാരണം ഗ്രാന്റുകൾ വൈകിയിരിക്കുകയാണെന്ന് ഉടമകൾ പറയുന്നു.
