ബെൽഫാസ്റ്റ്: ബെൽഫാസ്റ്റിൽ പൊതുസ്ഥലത്ത് നിന്നും പൈപ്പ് ബോംബ് കണ്ടെത്തി. ഇന്നലെ രാത്രി 11.30 ഓടെയായിരുന്നു സംഭവം. ബോംബ് സ്ക്വാഡും പോലീസും ചേർന്ന് നിയന്ത്രിത സ്ഫോടനത്തിലൂടെ ബോംബ് നിർവ്വീര്യമാക്കി. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.
ഡൺമുറിയിലെ ഗാർഡൻമോർ വാക്ക് പ്രദേശത്ത് ആയിരുന്നു സംഭവം. പ്രദേശവാസികൾ ആണ് വിവരം പോലീസിനെ അറിയിച്ചത്. പോലീസ് എത്തി ഉടനെ സമീപവാസികളെ സുരക്ഷിത സ്ഥാനത്തേയ്ക്ക് മാറ്റി. ഇതിന് പിന്നാലെ നിയന്ത്രിത സ്ഫോടനത്തിലൂടെ സ്ഫോടക വസ്തു നിർവ്വീര്യമാക്കുകയായിരുന്നു.
സ്ഫോടക വസ്തുവിന്റെ അവശിഷ്ടങ്ങൾ പോലീസ് വിശദമായ ഫോറൻസിക് പരിശോധനയ്ക്കായി കൊണ്ടുപോയി.
Discussion about this post
