കോർക്ക്: മോട്ടോർ റേസിംഗിനിടെ അപകടത്തിൽ മരിച്ച 13കാരിയുടെ പേര് പുറത്തുവിട്ട് അധികൃതർ. ലോറൻ ഒബ്രിയാൻ എന്നാണ് പെൺകുട്ടിയുടെ പേര് എന്ന് അധികൃതർ അറിയിച്ചു. ഞായറാഴ്ചയാണ് മത്സരത്തിൽ പങ്കെടുക്കുന്നതിനിടെ പെൺകുട്ടി അപകടത്തിൽ മരിച്ചത്.
ഓട്ടോഗ്രാസ് റേസിംഗ് ക്ലബ്ബ് സംഘടിപ്പിച്ച പരിപാടിയ്ക്കിടെ ആയിരുന്നു അപകടം. ഹീറ്റ്സ് മത്സരത്തിനിടെ ആയിരുന്നു സംഭവം. നിയന്ത്രണംവിട്ട കാർ ബാരിയറിലേക്ക് ഇടിച്ച് കയറി അപകടം സംഭവിക്കുകയായിരുന്നു. ഉടനെ തന്നെ പോലീസ് എത്തി പെൺകുട്ടിയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. മാക്രൂം സെക്കൻഡറി സ്കൂളിലെ വിദ്യാർത്ഥിനിയാണ് പെൺകുട്ടി.
Discussion about this post
