ഡബ്ലിൻ: അയർലന്റിൽ ഫസ്റ്റ് ടൈം ബയേഴ്സിനുള്ള മോർട്ട്ഗേജ് അംഗീകാരങ്ങളുടെ മൂല്യത്തിലും അളവിലും വർദ്ധന. ബാങ്കിംഗ് ആന്റ് പേയ്മെന്റ്സ് ഫെഡറേഷൻ അയർലന്റാണ് ഇത് സംബന്ധിച്ച പുതിയ വിവരങ്ങൾ പുറത്തുവിട്ടത്. ഏപ്രിൽ മാസത്തെ കണക്കുകൾ അടിസ്ഥാനപ്പെടുത്തിയാണ് ബിപിഎഫ്ഐയുടെ വിലയിരുത്തൽ.
കഴിഞ്ഞ മാസം മോർട്ട്ഗേജ് അംഗീകാരങ്ങൾ 1.5 ബില്യൺ യൂറോയിൽ എത്തിയെന്നാണ് കണക്കുകൾ വ്യക്തമാക്കുന്നത്. കഴിഞ്ഞ വർഷം ഏപ്രിലുമായി താരതമ്യം ചെയ്യുമ്പോൾ മൂല്യത്തിൽ 14 ശതമാനത്തിന്റെ വർദ്ധനവും, എണ്ണത്തിൽ 4 ശതമാനത്തിന്റെ വർദ്ധനവുമാണ് ഉണ്ടായിരിക്കുന്നത്.
Discussion about this post
