ഡബ്ലിൻ ; അധിനിവേശ പലസ്തീൻ പ്രദേശങ്ങളിൽ യുഎൻ ഏജൻസിയുടെ കെട്ടിടങ്ങൾ നശിപ്പിച്ച ഇസ്രായേൽ നടപടിയെ അപലപിച്ച് അയർലൻഡ് വിദേശകാര്യ മന്ത്രി ഹെലൻ മക്കെന്റി.
കിഴക്കൻ ജറുസലേമിലെ യുഎൻ ആസ്ഥാനത്ത് ഈ ആഴ്ച ആദ്യം ഇസ്രായേൽ അധികൃതർ നടത്തിയ ബുൾഡോസർ നടപടിയിൽ യുഎൻ കെട്ടിടങ്ങളുമുണ്ടായിരുന്നു . ഇസ്രായേലിന്റെ നടപടി ഐക്യരാഷ്ട്രസഭയുടെ ദുരിതാശ്വാസ, പ്രവർത്തന ഏജൻസിയെ ദുർബലപ്പെടുത്താനുള്ള നിരന്തര ശ്രമത്തിന്റെ ഭാഗമാണെന്ന് ഹെലൻ മക്കെന്റി പറഞ്ഞു.
ഇസ്രായേൽ അധികാരികൾ സ്വീകരിച്ച കൂടുതൽ വിനാശകരമായ നടപടികളിൽ താൻ അമ്പരന്നുപോയെന്നും , ഈ നടപടികൾ ഒറ്റപ്പെട്ട സംഭവങ്ങളല്ലെന്നും മക്കെന്റി പറഞ്ഞു.
‘ യുഎന്നിനെയും അതിന്റെ ഉത്തരവിനെയും അയർലൻഡ് പൂർണ്ണമായി പിന്തുണയ്ക്കുന്നു.ഏജൻസിക്ക് നേരെയുള്ള എല്ലാ ആക്രമണങ്ങളും നടപടികളും ഉടൻ നിർത്താൻ ഞാൻ ഇസ്രായേലിനോട് ആവശ്യപ്പെടുന്നു. ഐക്യരാഷ്ട്രസഭയുടെയും അതിന്റെ ജീവനക്കാരുടെയും പ്രത്യേകാവകാശങ്ങളും പ്രതിരോധശേഷിയും ഉൾപ്പെടെയുള്ള അന്താരാഷ്ട്ര നിയമങ്ങളെ ഇസ്രായേൽ മാനിക്കണം.” മക്കെന്റി ആവശ്യപ്പെട്ടു.
