ഡബ്ലിൻ: അയർലൻഡിൽ മാർച്ച് 29 ഞായറാഴ്ച മുതൽ സമയം മുന്നോട്ട് മാറ്റുന്നു. പുലർച്ചെ 1 മണിക്ക് ക്ലോക്കുകൾ ഒരു മണിക്കൂർ മുന്നോട്ട് മാറ്റി 2 മണിയാക്കുന്നതോടെയാണ് ഡേലൈറ്റ് സേവിംഗ് ടൈം ആരംഭിക്കുന്നത്.
ഇതോടെ രാജ്യത്ത് വേനൽക്കാല സമയക്രമം പ്രാബല്യത്തിൽ വരും. വൈകുന്നേരങ്ങളിൽ കൂടുതൽ സമയം വെളിച്ചം ലഭിക്കുന്നതാണ് ഈ മാറ്റത്തിന്റെ പ്രധാന പ്രത്യേകത. ദിവസത്തിന്റെ പ്രകാശസമയം കൂടുതൽ പ്രയോജനപ്പെടുത്തുന്നതിനും ഊർജസംരക്ഷണത്തിനും ഈ സംവിധാനം സഹായകരമാകുമെന്നാണ് വിലയിരുത്തൽ.
ജനങ്ങൾ ക്ലോക്കുകളും ഡിജിറ്റൽ ഉപകരണങ്ങളും ഈ സമയമാറ്റത്തിന് അനുയോജ്യമായി ക്രമീകരിക്കണമെന്ന് നിർദ്ദേശം നൽകിയിട്ടുണ്ട്.
Discussion about this post
