ഡബ്ലിൻ: അയർലൻഡിൽ വെള്ളപ്പൊക്കത്തിന് സാധ്യത. വരും ദിവസങ്ങളിൽ രാജ്യത്ത് ലഭിക്കുന്ന ശക്തമായ മഴ പലയിടത്തും വെള്ളപ്പൊക്കത്തിന് കാരണമാകുമെന്നാണ് മെറ്റ് ഐറാൻ വ്യക്തമാക്കുന്നത്. മഴയ്ക്ക് പുറമേ വരും ദിവസങ്ങളിൽ ശക്തമായ ഇടിമിന്നലും അനുഭവപ്പെടും. അന്തരീക്ഷ താപനിലയും കുറയും.
അയർലൻഡിൽ കഴിഞ്ഞ ഏതാനും നാളുകളായി വരണ്ട കാലാവസ്ഥ ആയിരുന്നു അനുഭവപ്പെട്ടത്. ഇതിനാണ് ഇന്നത്തോട് കൂടി അന്ത്യമാകുന്നത്. ഇന്ന് രാത്രിയോടെ പല ഭാഗങ്ങളിലും കനത്ത മഴ ലഭിക്കും. 12 മുതൽ 16 ഡിഗ്രി സെൽഷ്യസ് വരെ ആയിരിക്കും ഇന്ന് അനുഭവപ്പെടുന്ന പരമാവധി അന്തരീക്ഷ താപനില. നാളെ ശക്തമായ മഴയാണ് പ്രവചിക്കപ്പെട്ടിരിക്കുന്നത്.
Discussion about this post
