ഇസ്രായേലിലെ സ്കൂളിൽ നടത്തിയ സന്ദർശനം പരസ്യപ്പെടുത്താൻ ഉദ്യോഗസ്ഥരോട് ആവശ്യപ്പെട്ടതിനെ ന്യായീകരിച്ച് സ്റ്റോർമോണ്ട് വിദ്യാഭ്യാസ മന്ത്രി പോൾ ഗിവാൻ . അത് “തികച്ചും രാഷ്ട്രീയേതര” സന്ദേശമായിരുന്നുവെന്ന് അദ്ദേഹം പറഞ്ഞു.
വടക്കൻ അയർലൻഡ് വിദ്യാഭ്യാസ വകുപ്പിന്റെ സോഷ്യൽ മീഡിയ പോസ്റ്റ് ഒരു മണിക്കൂറിൽ താഴെ സമയമേ ഉണ്ടായിരുന്നുള്ളൂവെന്നും അദ്ദേഹം പറഞ്ഞു.ഇസ്രായേൽ സർക്കാരിന്റെ ക്ഷണപ്രകാരം വടക്കൻ അയർലൻഡിൽ നിന്നുള്ള എംഎൽഎമാരുടെ പ്രതിനിധി സംഘത്തോടൊപ്പം കഴിഞ്ഞയാഴ്ചയാണ് ഗിവാൻ ഇസ്രായേൽ സന്ദർശിച്ചത്. യാത്രയ്ക്ക് ശേഷം ഗിവാൻ വിമർശനങ്ങളും രാജിവയ്ക്കാനുള്ള ആഹ്വാനങ്ങളും നേരിടുന്നുണ്ട്.
പീപ്പിൾ ബിഫോർ പ്രോഫിറ്റ്, സിൻ ഫീൻ, എസ്ഡിഎൽപി, അലയൻസ് എന്നിവരുടെ പിന്തുണയോടെ അടുത്ത ആഴ്ച അസംബ്ലിയിൽ മിസ്റ്റർ ഗിവാൻ അവിശ്വാസ പ്രമേയം നേരിടാൻ പോകുകയാണ്.
തിങ്കളാഴ്ച അസംബ്ലിയിൽ നടന്ന പ്രതികരണത്തിൽ, താൻ “ഭീഷണിപ്പെടില്ല” എന്നും തന്റെ പ്രവൃത്തികളിൽ ഉറച്ചുനിൽക്കുമെന്നും ഗിവാൻ പറഞ്ഞു.
നേരത്തെ, താൻ എല്ലാവർക്കും വേണ്ടിയുള്ള മന്ത്രിയാണെന്നും ഗിവാൻ പറഞ്ഞിരുന്നു. വടക്കൻ അയർലൻഡിന്റെ വിദ്യാഭ്യാസ മന്ത്രി എന്ന നിലയിൽ തന്റെ ജോലിയിൽ നിന്ന് തന്നെ നിശബ്ദനാക്കുകയോ ശ്രദ്ധ തിരിക്കാനോ പറ്റില്ലെന്നും അദ്ദേഹം പറഞ്ഞിരുന്നു.
ഇസ്രായേൽ സർക്കാർ തന്നെ ഔദ്യോഗികമായി ക്ഷണിച്ചുവെന്നും പൊതു ഫണ്ടുകളൊന്നും ചെലവഴിച്ചിട്ടില്ലെന്നും ഗിവാൻ പറഞ്ഞു. തന്റെ വകുപ്പുതല ഉദ്യോഗസ്ഥരാരും യാത്രയിൽ പങ്കെടുത്തില്ലെന്നും അദ്ദേഹം പറഞ്ഞു.ഈ ആശയവിനിമയം കർശനമായി രാഷ്ട്രീയേതരവും വിദ്യാഭ്യാസ വശങ്ങളിൽ മാത്രം ശ്രദ്ധ കേന്ദ്രീകരിച്ചതുമായിരുന്നു. ഒരു രാഷ്ട്രീയ സന്ദേശവും പരസ്യപ്പെടുത്താൻ ഒരു വകുപ്പുതല ഉറവിടവും ഉപയോഗിച്ചിട്ടില്ല.- എന്നും ഗിവാൻ പറഞ്ഞു.
