രാത്രി ഉറങ്ങുമ്പോൾ ചിലർ കൂർക്കം വലിക്കുന്നത് സാധാരണമാണ്. സമീപത്ത് ഉറങ്ങുന്നവർക്ക് ഇത് ഒരു ശല്യമാകാം. ക്ഷീണം, ശരീരഭാരം കൂടൽ, വാർദ്ധക്യം എന്നിവയാണ് കൂർക്കംവലിയുടെ പ്രധാന കാരണങ്ങൾ. എന്നാൽ വിറ്റാമിൻ ഡിയുടെ കുറവും കൂർക്കംവലിക്ക് കാരണമാകാമെന്ന് വിദഗ്ധർ പറയുന്നു.
അമേരിക്കയിലെ നാഷണൽ സെന്റർ ഫോർ ബയോടെക്നോളജി ഇൻഫർമേഷൻ (എൻസിബിഐ) പ്രസിദ്ധീകരിച്ച റിപ്പോർട്ട് സൂചിപ്പിക്കുന്നത് വിറ്റാമിൻ ഡിയുടെ കുറവും കൂർക്കംവലിയും തമ്മിൽ നേരിട്ട് ബന്ധമുണ്ടെന്നാണ് . പേശികളുടെ ശക്തി നിലനിർത്തുന്നതിലും പ്രതിരോധശേഷി മെച്ചപ്പെടുത്തുന്നതിലും വിറ്റാമിൻ ഡി പ്രധാന പങ്ക് വഹിക്കുന്നു. ഈ വിറ്റാമിന്റെ അളവ് കുറയുമ്പോൾ, പേശികൾ, പ്രത്യേകിച്ച് തൊണ്ടയിലും കഴുത്തിലുമുള്ളവ, ദുർബലമാകുന്നു
സൂര്യപ്രകാശം ഏൽക്കാത്തവരിൽ കൂർക്കംവലിക്ക് സാധ്യത കൂടുതലാണ്. കൂർക്കംവലി ഒഴികെ മറ്റ് ആരോഗ്യപ്രശ്നങ്ങളൊന്നുമില്ലെങ്കിൽ വിറ്റാമിൻ ഡി പരിശോധന നടത്തണമെന്ന് വിദഗ്ധർ പറയുന്നു.ഉറക്കത്തിൽ തൊണ്ടയിലെ പേശികൾ ശരിയായി തുറക്കാതിരിക്കുകയും ശ്വാസനാളം ചുരുങ്ങുകയും ചെയ്യുമ്പോൾ വായുസഞ്ചാരം തടസ്സപ്പെടുകയും കൂർക്കംവലിക്ക് കാരണമാവുകയും ചെയ്യുന്നു. വിറ്റാമിൻ ഡിയുടെ കുറവ് ശ്വാസനാളങ്ങളിൽ വീക്കം ഉണ്ടാക്കുകയും ശ്വാസനാളങ്ങളെ കൂടുതൽ തടസ്സപ്പെടുത്തുകയും ചെയ്യും. ഇത് കൂർക്കംവലി വർദ്ധിപ്പിക്കുകയും ചെയ്യും.
ഭക്ഷണക്രമത്തിലും ജീവിതശൈലിയിലും മാറ്റങ്ങൾ വരുത്തി കൂർക്കംവലി നിയന്ത്രിക്കാൻ സഹായിക്കും. ദിവസവും 15 മുതൽ 20 മിനിറ്റ് വരെ സൂര്യപ്രകാശം ഏൽക്കേണ്ടത് അത്യാവശ്യമാണ്. മുട്ട, മഞ്ഞൾ, മത്സ്യം, കൂൺ, വിറ്റാമിൻ ഡി അടങ്ങിയ പാൽ, ധാന്യങ്ങൾ തുടങ്ങിയ ഭക്ഷണങ്ങൾ ഭക്ഷണത്തിൽ ഉൾപ്പെടുത്തുക. ആവശ്യമെങ്കിൽ, ഡോക്ടറുടെ ഉപദേശത്തോടെ വിറ്റാമിൻ ഡി ഗുളികകൾ കഴിക്കാം.
