ചെന്നൈ : പ്രശസ്ത തമിഴ് നടൻ ദില്ലി ഗണേഷ് അന്തരിച്ചു . 80 വയസായിരുന്നു . വാർദ്ധക്യസഹജമായ അസുഖങ്ങളെ തുടർന്ന് ചികിത്സയിലായിരുന്നു . മകൻ മഹാദേവനാണ് മരണവിവരം സ്ഥീരീകരിച്ചത് . ഇന്നലെ രാത്രി 10 മണിയോടെയായിരുന്നു അന്ത്യം .
40 വർഷത്തിലേറെയായി തമിഴ് സിനിമയിൽ സ്വഭാവനടനായി തിളങ്ങിയ താരമാണ് ഗണേഷ്. കെ ബാലചന്ദറിനെ പോലെ മികച്ച സംവിധായകർക്കൊപ്പം പ്രവർത്തിച്ചു തുടങ്ങിയ അദേഹം 400 ലധികം ചിത്രങ്ങളിൽ അഭിനയിച്ചിട്ടുണ്ട്. നിരവധി സിനിമകളിൽ ഹാസ്യ വേഷങ്ങളിലും അഭിനയിച്ചിട്ടുണ്ട്.
ഷാരൂഖ് ഖാനും , ദീപിക പദുക്കോണും അഭിനയിച്ച ചെന്നൈ എക്സ്പ്രസിലും ഗണേഷ് അഭിനയിച്ചിരുന്നു . 25 ലധികം ടിവി സീരിയലുകളിലും അഭിനയിച്ചിട്ടുണ്ട്. തമിഴ് സിനിമാരംഗത്തെ പ്രമുഖർ അനുശോചനം രേഖപ്പെടുത്തി.
Discussion about this post
