കൊൽക്കത്ത : പശ്ചിമ ബംഗാൾ മുൻ മുഖ്യമന്ത്രി മമത ബാനർജിയുടെ അനന്തരവൾ ആത്മഹത്യ ചെയ്തു. നിഹാർ മുഖർജിയുടെ മകൾ ബ്രിസ്റ്റി മുഖർജി (28) നെയാണ് ഇന്ന് രാവിലെ 9 മണിയോടെ വീടിന്റെ ഒന്നാം നിലയിൽ തൂങ്ങിമരിച്ച നിലയിൽ കണ്ടെത്തിയത് . പ്രൈമറി സ്കൂൾ അധ്യാപിക സ്ഥാനം നേടിയത് ക്രമക്കേടിലൂടെയാണെന്നാരോപിച്ച് ബ്രിസ്റ്റി മുഖർജിക്കെതിരെ കേസെടുത്തിരുന്നു. വിവാഹമോചനത്തിനും ബ്രിസ്റ്റി അപേക്ഷ നൽകിയിരുന്നു
കഴിഞ്ഞ കുറച്ച് വർഷങ്ങളായി അവർ വിഷാദരോഗത്തിന് ചികിത്സയിലായിരുന്നുവെന്ന് കുടുംബാംഗങ്ങൾ പറഞ്ഞു. ആത്മഹത്യയ്ക്ക് പിന്നിലെ കാരണം രാംപൂർഹട്ട് പോലീസ് അന്വേഷിക്കുന്നുണ്ട്. മൃതദേഹം പോസ്റ്റ്‌മോർട്ടത്തിനായി രാംപൂർഹട്ട് സർക്കാർ മെഡിക്കൽ കോളേജ് ആശുപത്രിയിലേക്ക് മാറ്റി. മരണത്തിലേക്ക് നയിച്ച സാഹചര്യങ്ങൾ പോസ്റ്റ്‌മോർട്ടത്തിനും മറ്റ് നടപടിക്രമ അന്വേഷണങ്ങൾക്കും ശേഷം വ്യക്തമാക്കുമെന്ന് മുതിർന്ന പോലീസ് ഉദ്യോഗസ്ഥർ പറഞ്ഞു.
