ഡബ്ലിൻ ; ഗെയ്ൽറ്റാച്ച് കോഴ്സുകളിൽ പങ്കെടുക്കുന്ന വിദ്യാർത്ഥികൾക്കുള്ള സബ്സിഡികൾ ഒരാൾക്ക് ഒരു രാത്രിക്ക് €14.50 ൽ നിന്ന് €16 ആയി വർദ്ധിപ്പിക്കും.
500-ലധികം കുടുംബങ്ങൾക്ക് ഈ തീരുമാനം പ്രയോജനപ്പെടുമെന്നും ഈ മാസം അവസാനം വേനൽക്കാല ഭാഷാ കോഴ്സ് സീസണിന്റെ ആരംഭത്തിൽ ഇത് പ്രാബല്യത്തിൽ വരുമെന്നും ഗ്രാമ-സാമൂഹിക വികസന വകുപ്പും ഗെയ്ൽറ്റാച്ചും അറിയിച്ചു.ഗാൽവേ, ഡൊണഗൽ കൗണ്ടികളിലാണ് ഭൂരിഭാഗം കോഴ്സുകളും നടക്കുന്നത് . വിദ്യാർത്ഥികളിൽ പലരും മായോ, കെറി, വാട്ടർഫോർഡ്, മീത്ത്, കോർക്ക് എന്നിവിടങ്ങളിൽ നിന്ന് യാത്ര ചെയ്ത് എത്തുന്നവരാണ്.
താമസ സൗകര്യം നൽകുന്ന റെസിഡൻഷ്യൽ കോളേജുകൾക്കുള്ള സബ്സിഡി ഒരാൾക്ക് ഒരു രാത്രിക്ക് €1.50 മുതൽ €12 വരെ വർദ്ധിച്ചുകൊണ്ടിരിക്കുകയാണ്.2022 മുതൽ പ്രഖ്യാപിക്കുന്ന അഞ്ചാമത്തെ വർധനവാണിത്.
“താമസ സൗകര്യം ഒരുക്കുന്ന കുടുംബങ്ങളും കോളേജുകളും ഐറിഷ് ഭാഷാ കോഴ്സുകളിൽ പങ്കെടുക്കുന്നവർക്ക് നൽകുന്ന വിലപ്പെട്ട സംഭാവനകൾക്ക് അംഗീകാരം അർഹിക്കുന്നു. താമസ സൗകര്യം നൽകുന്നതിനുള്ള ചെലവ് വഹിക്കുന്നത് വരും വർഷങ്ങളിൽ ഈ സുപ്രധാന മേഖലയിലേക്ക് കൂടുതൽ കുടുംബങ്ങളെ ആകർഷിക്കുന്നതിന് സഹായിക്കുമെന്ന് എനിക്ക് ഉറപ്പുണ്ട്.” എന്നാണ് ഗ്രാമ, കമ്മ്യൂണിറ്റി വികസന, ഗെയ്ൽടാച്ച് മന്ത്രി ഡാര കാലിയറി പറയുന്നത്.
