മോഹൻലാലിനൊപ്പമുള്ള ചിത്രം പങ്കുവച്ച് സംവിധായകൻ രാം ഗോപാൽ വർമ. എമ്പുരാൻ സിനിമയുടെ ലൊക്കേഷൻ സന്ദർശിക്കാൻ എത്തിയപ്പോൾ പകർത്തിയ ചിത്രമാണ് അദ്ദേഹം എക്സിൽ പങ്കിട്ടത്. ‘‘കമ്പനിയുടെ ഓർമകൾ. ഒരുപാട് നാളുകൾക്കുശേഷം ഒരേയൊരു മോഹൻലാലിനൊപ്പം’’–രാം ഗോപാൽ വർമ കുറിച്ചു.
രാംഗോപാൽ വർമ്മ സംവിധാനം ചെയ്ത കമ്പനി , ആഗ് എന്നീ ചിത്രങ്ങളിൽ മോഹൻലാൽ അഭിനയിച്ചിട്ടുണ്ട് . 2002-ലാണ് അദ്ദേഹം സംവിധാനം ചെയ്ത കമ്പനി എന്ന ചിത്രം പുറത്തിറങ്ങുന്നത്.2007 പുറത്തിറങ്ങിയ ആഗിൽ അമിതാഭ് ബച്ചൻ ഉൾപ്പടെയുള്ളവർ ഉണ്ടായിരുന്നു.
മുംബൈയിലെ എമ്പുരാന്റെ സെറ്റിലാണ് രാം ഗോപാൽ വർമ്മ എത്തിയത് . കഴിഞ്ഞ ദിവസം സംവിധായകൻ പൃഥ്വിരാജിനൊപ്പമുള്ള ചിത്രങ്ങളും അദ്ദേഹം സോഷ്യൽ മീ‍ഡിയയിൽ പങ്കിട്ടിരുന്നു. ‘ ഗംഭീരയൂണിറ്റാണ് ചിത്രത്തിന്റേത് , രണ്ടാം വട്ടവും വിജയ ചിത്രമാണ് ഒരുങ്ങുന്നത് . ഞങ്ങളുടെ ജോലി കൂടി തട്ടിയെടുത്താൽ ഞങ്ങൾ എന്ത് ചെയ്യും ‘ എന്നാണ് പൃഥ്വിരാജിന്റെ ചിത്രം പങ്കുവച്ച് ആര്‍ജിവി കുറിച്ചിരിക്കുന്നത്.
