പട്ന : ബീഹാറിന്റെ ആദ്യ ബിജെപി മുഖ്യമന്ത്രിയായി സാമ്രാട്ട് ചൗധരി സത്യപ്രതിജ്ഞ ചെയ്തു. പട്നയിലെ ലോക് ഭവനിൽ രാവിലെ 11 മണിക്കായിരുന്നു ചടങ്ങ് . ഡെപ്യൂട്ടി മുഖ്യമന്ത്രിമാരായ ജെഡിയു എംഎൽഎമാരായ വിജയ് ചൗധരിയും ബിജേന്ദ്ര യാദവും അദ്ദേഹത്തോടൊപ്പം സത്യപ്രതിജ്ഞ ചെയ്തു.
എൻഡിഎ നിയമസഭാ കക്ഷി നേതാവായി തിരഞ്ഞെടുക്കപ്പെട്ട ശേഷം, സാമ്രാട്ട് ചൗധരി ഗവർണർക്ക് സർക്കാർ രൂപീകരിക്കാനുള്ള അവകാശവാദം സമർപ്പിച്ചു. കഴിഞ്ഞ ദിവസമാണ് നിതീഷ് കുമാർ രാജി സമർപ്പിച്ചത് . ഒൻപത് വർഷം മുമ്പ് ബിജെപിയിൽ ചേർന്ന സാമ്രാട്ട് ചൗധരി കരുത്തനായ നേതാവായി കണക്കാക്കപ്പെടുന്നു.
26 വർഷം മുൻപാണ് അദ്ദേഹം ആദ്യമായി എംഎൽഎയായി തിരഞ്ഞെടുക്കപ്പെട്ടത്. 2024 ൽ ഉപമുഖ്യമന്ത്രിയായി, ബിജെപിയുടെ വൻ വിജയത്തിന് ശേഷം 2025 ൽ വീണ്ടും ഉപമുഖ്യമന്ത്രിയായി സത്യപ്രതിജ്ഞ ചെയ്തു. ഇപ്പോൾ, മുഖ്യമന്ത്രി എന്ന നിലയിൽ, ബീഹാർ ഭരിക്കുന്നതിനൊപ്പം പാർട്ടിയെയും എൻഡിഎ സഖ്യത്തെയും ഒരുമിച്ച് നിർത്തുക എന്ന വെല്ലുവിളിയും അദ്ദേഹം നേരിടേണ്ടിവരും.
