തിരുവനന്തപുരം : ലക്ഷണമൊത്തെ ആര്.എസ്.എസ് ഏജന്റ് പിണറായി വിജയനാണെന്ന് പ്രതിപക്ഷനേതാവ് വി ഡി സതീശൻ.കെ.ജി മാരാര് ഇ.എം.എസിന് ബാഡ്ജ് കുത്തിക്കൊടുക്കുന്ന ചിത്രം ഇപ്പോഴും ലഭ്യമാണെന്നത് മറക്കരുതെന്നും സതീശൻ ഫേസ്ബുക്ക് പോസ്റ്റിൽ പറയുന്നു.
1977 ല് ആര്.എസ്.എസിന്റെ പിന്തുണയില് മത്സരിച്ച് നിയമസഭയില് എത്തിയ എം.എല്.എ പിണറായി വിജയനാണ്, അല്ലാതെ വി.ഡി സതീശനല്ല. അന്ന് ഉദുമയിലെ സി.പി.എം- ആര്.എസ്.എസ് സംയുക്ത സ്ഥാനാര്ത്ഥിയായിരുന്നില്ലേ ആര്.എസ്.എസ് നേതാവ് കെ.ജി മാരാര്?
പാലക്കാട് മത്സരിച്ച സി.പി.എം സ്ഥാനാര്ത്ഥി ശിവദാസ മേനോന്റെ പ്രചരണ പരിപാടിയില് മുതിര്ന്ന ബി.ജെ.പി നേതാവ് എല്.കെ അദ്വാനി പങ്കെടുത്തതും പിണറായി വിജയന് നിഷേധിക്കുമോ? 1989 ല് കോണ്ഗ്രസിനെ അട്ടിമറിക്കാന് വി.പി സിംഗിന് പിന്തുണ നല്കിക്കൊണ്ട് സി.പി.എം നേതാക്കളായ ഇ.എം.എസും ജോതിബസുവും അദ്വാനിക്കും വാജ്പേയ്ക്കും ഒപ്പം നില്ക്കുന്ന ചിത്രങ്ങളും ഗൂഗിളില് പരതിയാല് കിട്ടും.
ഔദ്യോഗിക വാഹനം ഉപേക്ഷിച്ച് സ്വകാര്യ വാഹനത്തില് തിരുവനന്തപുരം മാസ്കറ്റ് ഹോട്ടലില് ആര്.എസ്.എസ് നേതാക്കളുമായി ശ്രീ എമ്മിന്റെ മധ്യസ്ഥതയില് ചര്ച്ച നടത്തിയതും പിണറായി വിജയനാണ്, വി.ഡി സതീശനല്ല. നിയമസഭയില് പ്രതിപക്ഷ നേതാവെന്ന നിലയില് ഇക്കാര്യം ചോദിച്ചപ്പോള് മറുപടി പറയാതെ തലകുനിച്ച് ഇരുന്ന മുഖ്യമന്ത്രിയുടെ പേരും പിണറായി വിജയനെന്നാണെന്നും സതീശൻ പറയുന്നു.
ഫേസ്ബുക്ക് പോസ്റ്റ് ഇങ്ങനെ…
