തിരുവനന്തപുരം: തൃശൂർ പൂരം തടസ്സപ്പെടുത്തിയതിന് പിന്നിൽ രാഷ്ട്രീയ ഗൂഢാലോചനയുണ്ടെന്ന് സംശയിക്കുന്നതായി മന്ത്രി കെ രാജൻ മൊഴി നൽകി. പൂരം തടസ്സപ്പെടുത്തിയതുമായി ബന്ധപ്പെട്ട പരാതി അന്വേഷിക്കുന്ന ക്രൈംബ്രാഞ്ച് സംഘത്തിന് മുന്നിലാണ് റവന്യൂ മൊഴി നൽകിയത് . തൃശൂർ പൂരം തടസ്സപ്പെടുത്തിയ ദിവസത്തെ പോലീസിന്റെ നടപടികൾ ഗൂഢാലോചനയ്ക്ക് സഹായകമായ രീതിയിലായിരുന്നുവെന്നാണ് മന്ത്രിയുടെ മൊഴി.
അന്ന് തൃശൂരിലുണ്ടായിരുന്ന എഡിജിപി എം.ആർ. അജിത് കുമാറിനെതിരെയും മന്ത്രി രാജൻ മൊഴി നൽകിയിട്ടുണ്ടെന്നാണ് റിപ്പോർട്ട്. പൂരം തടസ്സപ്പെടുമ്പോൾ പ്രശ്നങ്ങൾ ഉണ്ടാകുമെന്ന് മുന്നറിയിപ്പ് നൽകിയിട്ടും എഡിജിപി ഇടപെടാൻ തയ്യാറായില്ലെന്ന് മന്ത്രി ആരോപിച്ചു. പൂരം തടസ്സപ്പെട്ടതിന് ശേഷം നിരവധി തവണ ഫോൺ വിളിച്ചിട്ടും അജിത് കുമാർ പ്രതികരിച്ചില്ല. മന്ത്രി നേരത്തെ മാധ്യമങ്ങളോട് ഇക്കാര്യം വെളിപ്പെടുത്തിയിരുന്നു. ഡിഐജി തോംസൺ ജോസിന്റെ മുന്നിൽ വെച്ചാണ് മന്ത്രി എഡിജിപിക്കെതിരെ മൊഴി നൽകിയത്. ഇന്നലെ രാത്രി തിരുവനന്തപുരത്ത് വെച്ചാണ് അദ്ദേഹത്തിന്റെ മൊഴി എടുത്തത് .
