പത്തനംതിട്ട: ശബരിമലയിൽ ദർശനം നടത്തി തമിഴ് നടന്മാരായ കാർത്തിയും രവി മോഹനും . കഴിഞ്ഞ ദിവസം രാത്രി ഹരിവരാസനം ആലപിക്കുന്ന സമയത്താണ് ഇരുവരും സന്നിധാനത്തെത്തിയത്. കന്നി അയ്യപ്പനാണ് കാർത്തി . രവി മോഹൻ പത്ത് തവണയിലധികം മല ചവിട്ടിയിട്ടുണ്ട്.
ഹരിവരാസനം കേട്ട് ദർശനം നടത്താൻ സാധിച്ചത് ഭാഗ്യമാണെന്ന് കാർത്തി പറഞ്ഞു. എല്ലാ വർഷവും വരണമെന്ന് തോന്നുന്നു. ഒരുപാട് സന്തോഷമുണ്ട്. ഇനി മകരജ്യോതി കാണാൻ വരാനാണ് ആഗ്രഹമെന്നും കാർത്തി പറഞ്ഞു. ചോറ്റാനിക്കര ഭഗവതി ക്ഷേത്രത്തിൽ ദർശനം നടത്തിയ ശേഷമാണ് ഇരുവരും ശബരിമലയിൽ എത്തിയത്.
‘ എല്ലാ വർഷവും ശബരിമല ദർശനം നടത്തുന്നത് ശീലമായി മാറി. . ഈ വർഷം വീണ്ടും വരാൻ കഴിഞ്ഞതിൽ എനിക്ക് സന്തോഷമുണ്ട്. മകര സംക്രാന്തിക്ക് എത്തി മകരവിളക്കും ദർശിച്ചിരുന്നു. ജീവിതത്തില് ഒരുപാട് മാറ്റങ്ങളുണ്ടായിട്ടുണ്ട്. ഏകദേശം പത്ത് വർഷം മുമ്പാണ് ഞാൻ അവസാനമായി ചോറ്റാനിക്കര സന്ദർശിച്ചത്- അതിനുശേഷം ഞാൻ ഇപ്പോഴാണ് വരുന്നതെന്നും ‘ രവി മോഹൻ പറഞ്ഞു..
.
