ശ്രീനഗർ ; ജമ്മു കശ്മീരിന്റെ പ്രത്യേക പദവിയും, സംസ്ഥാന പദവിയും പുനസ്ഥാപിക്കണമെന്ന ആവശ്യവുമായി സിപിഎം . ശ്രീനഗറിൽ നടന്ന കൺവൻഷനിടെയാണ് പാർട്ടി ഈ ആവശ്യം ഉന്നയിച്ചത് .ഭരണാവകാശങ്ങളുടെ പുനസ്ഥാപനം എന്ന വിഷയം ഉയർത്തിയാണ് സിപിഎം – ജമ്മുകശ്മീർ ഘടകം പ്രത്യേക കൺവൻഷൻ നടത്തിയത്. സിപിഎം ജനറൽ സെക്രട്ടറി എംഎ ബേബിയും കേരളത്തിൽ നിന്നുൾപ്പെടെയുള്ള പ്രതിനിധി സംഘങ്ങളും യോഗത്തിൽ പങ്കെടുത്തു.
ഇന്ത്യയും പാകിസ്ഥാനും തമ്മിൽ ഉഭയകക്ഷി ചർച്ചകൾ ആരംഭിക്കണം . ഇരു രാജ്യങ്ങളും തമ്മിലുള്ള വിഷയത്തിൽ മൂന്നാമതൊരു രാജ്യത്തെ ഉൾപ്പെടുത്തരുത് . ആർട്ടിക്കിൾ 370 റദ്ദാക്കിയത് വിശ്വാസ വഞ്ചനയാണ്. സുരക്ഷാ ഏകീകൃത കമാൻഡ് മീറ്റിംഗിന് നേതൃത്വം നൽകിയത് കേന്ദ്ര സർക്കാർ ജീവനക്കാരനായ ലെഫ്റ്റനന്റ് ഗവർണറാണ്, തിരഞ്ഞെടുക്കപ്പെട്ട ഒരു മുഖ്യമന്ത്രിയെ പോലും അവിടെ പങ്കെടുക്കാൻ അനുവദിച്ചില്ല .ജമ്മു കശ്മീരിലെ ജനങ്ങൾ ഇതിനെക്കുറിച്ച് എന്തു വിചാരിക്കും.“ എം എ ബേബി പറഞ്ഞു.
കേന്ദ്ര സർക്കാർ ജമ്മു കശ്മീർ ജനങ്ങളെ വിശ്വാസത്തിലെടുക്കേണ്ടതുണ്ട്… കശ്മീരിൽ ഭീകരതയ്ക്കെതിരെ പോരാടണമെങ്കിൽ, ആർട്ടിക്കിൾ 370 റദ്ദാക്കിയതോടെ റദ്ദാക്കപ്പെട്ട ജനാധിപത്യ അവകാശങ്ങൾ പുനഃസ്ഥാപിക്കേണ്ടതുണ്ട്. ഇത് പൂർണ്ണ സംസ്ഥാന പദവിയോടൊപ്പം പുനഃസ്ഥാപിക്കേണ്ടതുണ്ട് . ഭീകരർ ജമ്മു കശ്മീർ ജനതയെയും ഇന്ത്യയിലെ ജനങ്ങളെയും മതപരമായി വിഭജിക്കാൻ അവർ ആഗ്രഹിച്ചു. എന്നാൽ ജമ്മു കശ്മീർ ജനതയും ഇന്ത്യയിലെ ജനങ്ങളും ജനങ്ങളെ വിഭജിക്കാനുള്ള അവരുടെ തന്ത്രത്തിന് വഴങ്ങാൻ വിസമ്മതിച്ചു.പാർലമെന്റിലെ ഇരുസഭകളിലും ഞങ്ങളുടെ പാർലമെന്റ് അംഗങ്ങൾ ഈ വിഷയങ്ങൾ ഉന്നയിക്കും,” ബേബി പറഞ്ഞു.
തെക്കൻ കശ്മീരിലെ പഹൽഗാമിൽ ഏപ്രിൽ 22 ന് നടന്ന ആക്രമണത്തിൽ 25 വിനോദസഞ്ചാരികൾക്കൊപ്പം കൊല്ലപ്പെട്ട ആദിൽ അഹമ്മദ് ഷായുടെ കുടുംബത്തെയും സിപിഎം നേതാക്കൾ കണ്ടു.
