ശ്രീനഗർ : ജമ്മു കശ്മീരിലെ കത്വയിലെ ഇന്ത്യ-പാകിസ്ഥാൻ അതിർത്തിക്ക് സമീപം സംശയാസ്പദമായ സാഹചര്യത്തിൽ ഡ്രോൺ കണ്ടെത്തി . ഹിരാനഗർ സെക്ടറിലാണ് സംഭവം. വിവരം ലഭിച്ചതിനെത്തുടർന്ന്, ജമ്മു കശ്മീർ പോലീസിലെ സ്പെഷ്യൽ ഓപ്പറേഷൻസ് ഗ്രൂപ്പ് (എസ്ഒജി) സംഘം സ്ഥലത്തെത്തി ഡ്രോൺ പിടിച്ചെടുത്തു.
പ്രദേശവാസികൾ ഡ്രോൺ കണ്ടെത്തിയ ഉടൻ തന്നെ പോലീസിൽ അറിയിച്ചു. ഡ്രോൺ എങ്ങനെ എത്തി, എന്ത് ഉദ്ദേശ്യത്തിനായി ഉപയോഗിച്ചു എന്നറിയാനുള്ള ആരംഭിച്ചു കഴിഞ്ഞു. ഡ്രോൺ കണ്ടെത്തിയതിനെത്തുടർന്ന്, സുരക്ഷാ സേന പരിസര പ്രദേശങ്ങളിൽ തിരച്ചിൽ ആരംഭിച്ചു. ഡ്രോൺ ഒഴികെ സംശയാസ്പദമായ മറ്റെന്തെങ്കിലും വസ്തുക്കൾ ഉണ്ടോ എന്നും അവർ അന്വേഷിക്കുന്നുണ്ട്.
നിലവിൽ, ഡ്രോണിനെക്കുറിച്ച് അന്തിമ വിവരങ്ങളൊന്നും പോലീസ് പങ്കുവെച്ചിട്ടില്ല. അന്വേഷണം പൂർത്തിയായതിനുശേഷം മാത്രമേ അത് എവിടെ നിന്നാണ് വന്നതെന്ന് വ്യക്തമാകൂ.നിലവിൽ കട്ലി ഗ്രാമത്തിൽ ഡ്രോൺ കണ്ടെത്തിയതിനെത്തുടർന്ന് സുരക്ഷാ ഏജൻസികൾ ജാഗ്രതയിലാണ്.
അതിർത്തി കടന്ന് ഡ്രോണുകൾ അയയ്ക്കുന്നത് ഇതാദ്യമായല്ല. ജൂലൈ ആദ്യം, സാംബ, കതുവ ജില്ലകളിലെ അന്താരാഷ്ട്ര അതിർത്തിക്ക് സമീപം പാകിസ്ഥാൻ ഡ്രോണുകൾ എന്ന് സംശയിക്കപ്പെടുന്നവ കണ്ടെത്തിയിരുന്നു.
