ലക്നൗ : അഞ്ച് വർഷത്തിനു ശേഷം അധോലോക നായകൻ ദാവൂദ് ഇബ്രാഹിമിൻ്റെ ഗുരു മാഫിയ സുഭാഷ് താക്കൂറിനെ വീണ്ടും ജയിലിലേക്ക് മാറ്റി. 2019 ഡിസംബറിലാണ് വൃക്ക ചികിത്സയുടെ പേരിൽ സുഭാഷ് താക്കൂറിനെ ബിഎച്ച്‌യു ആശുപത്രിയിൽ പ്രവേശിപ്പിച്ചത്.
ഇന്നലെയാണ് താക്കൂറിനെ സുഭാഷിനെ ബിഎച്ച്‌യു ആശുപത്രിയിൽ നിന്ന് ഫത്തേഗഡ് സെൻട്രൽ ജയിലിലേക്ക് മാറ്റിയത്. അവിടെ ജീവപര്യന്തം തടവ് അനുഭവിക്കുന്നതിനിടെയാണ് താക്കൂർ ചികിത്സാ ഇളവ് നേടിയത് . എന്നാൽ പോലീസ് കമ്മീഷണർ മോഹിത് അഗർവാൾ രൂപീകരിച്ച 12 ഡോക്ടർമാരുടെ സമിതിയാണ് സുഭാഷ് താക്കൂറിനെ ആരോഗ്യവാനാണെന്ന് കണ്ടെത്തിയത്.
വാരണാസിയിലെ ഫുൽപൂർ പൊലീസ് സ്റ്റേഷൻ പരിധിയിലെ നെവാഡ ഗ്രാമവാസിയായ സുഭാഷ് താക്കൂർ വൻ മാഫിയകളുടെ ഗുരുവാണെന്നാണ് പൊലീസിന് ലഭിച്ച വിവരം. ദാവൂദ് ഇബ്രാഹിം പോലും താക്കൂറിനെ തൻ്റെ ഗുരുവായി കണക്കാക്കിയിരുന്നു. സുഭാഷിൽ നിന്നും കൂട്ടാളികളിൽ നിന്നും ദാവൂദ് പരിശീലനം നേടിയിട്ടുണ്ടെന്ന് പറയപ്പെടുന്നു.
മുംബൈ ജെജെ ആശുപത്രിയിൽ ദാവൂദിൻ്റെ ഭാര്യാസഹോദരനെ കൊലപ്പെടുത്തിയതിന് പ്രതികാരം ചെയ്യാനും സുഭാഷ് താക്കൂർ പദ്ധതിയിട്ടിരുന്നു. നിലവിൽ യുപിയിലും ഡൽഹിയിലും മുംബൈയിലുമായി പത്ത് കേസുകളാണ് സുഭാഷ് താക്കൂറിനെതിരെ രജിസ്റ്റർ ചെയ്തിരിക്കുന്നത്. ഒരു കേസിൽ ജീവപര്യന്തം തടവിന് ശിക്ഷിക്കപ്പെട്ടപ്പോൾ നാല് കേസുകളിൽ കുറ്റവിമുക്തനാക്കപ്പെട്ടു.
