ഡബ്ലിൻ: അയർലന്റിൽ ബുധനാഴ്ചയും നല്ല തെളിഞ്ഞ ചൂടുള്ള കാലാവസ്ഥ. അന്തരീക്ഷ താപനില 16 മുതൽ 20 ഡിഗ്രിവരെ ഇന്ന് രേഖപ്പെടുത്താമെന്ന് മെറ്റ് ഐറാൻ വ്യക്തമാക്കി. രാജ്യത്തിന്റെ തെക്കൻ മേഖലയിൽ ചൂട് വർദ്ധിക്കാൻ സാദ്ധ്യതയുണ്ടെന്നും മെറ്റ് ഐറാൻ അറിയിച്ചു.
രാത്രിയിൽ നല്ല തെളിഞ്ഞ വരണ്ട കാലാവസ്ഥയായിരിക്കും. താപനിലയിൽ കുറവുണ്ടാകും. രാത്രി കാലങ്ങളിൽ അന്തരീക്ഷ താപനില 4 മുതൽ 8 ഡിഗ്രിവരെ താഴും. വ്യാഴാഴ്ചയും പകൽ ചൂടുള്ള കാലാവസ്ഥയാകും അനുഭവപ്പെടുക. വെള്ളിയാഴ്ച രാത്രി പടിഞ്ഞാറൻ മേഖലയിൽ മഴയ്ക്ക് സാദ്ധ്യതയുണ്ട്.
Discussion about this post
