ഡബ്ലിൻ: യൂറോപ്പിലെ സീറോ മലബാർ വിശ്വാസികളുടെ വാൽസിംഗ്ഹാം തീർത്ഥാടനം ജൂലൈയിൽ നടക്കും. ജൂലൈ 19 ന് ആണ് തീർത്ഥാടനം സംഘടിപ്പിക്കുന്നത്. പരിപാടിയിൽ യൂറോപ്പിലെ മുഴുവൻ സീറോ മലബാർ വിശ്വാസികളുടെയും പങ്കാളിത്തം ഉണ്ടായിരിക്കും.
ഭക്തിനിർഭരമായ തീർത്ഥയാത്രയാണ് പരിപാടിയുടെ പ്രധാന ആകർഷണം. ഇതിന് പുറമേ, വിശുദ്ധ കുർബാന, പ്രാർഥനാ ഘോഷയാത്ര , കുടുംബ സംഗമം എന്നിവ ഉണ്ടാകും. തീർത്ഥാടനത്തിന് മാറ്റ് കൂട്ടാൻ സാംസ്കാരിക പരിപാടികളും സംഘടിപ്പിക്കുന്നുണ്ട്.
യൂറോപ്പിലെ സീറോ മലബാർ വിശ്വാസികളുടെ ഏറ്റവും വലിയ സംഗമമായ വാൽസിംഗ്ഹാം തീർത്ഥാടനം എല്ലാവർഷം സംഘടിപ്പിക്കാറുണ്ട്. സ്കോട്ലാൻഡ്, അയർലാൻഡ്, ജർമ്മനി തുടങ്ങിയ രാജ്യങ്ങളിൽ നിന്നുള്ള വിശ്വാസികൾ പരിപാടിയുടെ ഭാഗമാകും.
Discussion about this post
