ഡബ്ലിൻ: അയർലന്റിൽ വരും ദിവസങ്ങളിലും മഴ തുടരുമെന്ന് മെറ്റ് ഐറാൻ. തിങ്കളാഴ്ചവരെ മഴയ്ക്ക് സാദ്ധ്യതയുണ്ടെന്നാണ് മെറ്റ് ഐറാന്റെ പ്രവചനം. അതേസമയം അടുത്ത ആഴ്ച മുതൽ അയർലന്റിൽ വീണ്ടും ചൂട് ആരംഭിക്കും.
ഇന്ന് മേഘാവൃതമായ അന്തരീക്ഷം ആകും അനുഭവപ്പെടുക. ശക്തമായ മഴ വൈകീട്ടോടെ കിഴക്കൻ മേഖലകളിലേക്ക് വ്യാപിക്കും. പടിഞ്ഞാറൻ മേഖലയിലും അതിശക്തമായ മഴ ലഭിക്കും. വെള്ളപ്പൊക്ക സാദ്ധ്യതയും ഇവിടെയുണ്ട്.
അതേസമയം മഴ മാറിനിൽക്കുമ്പോൾ ചൂടുള്ള കാലാവസ്ഥയാകും അനുഭവപ്പെടുക. അന്തരീക്ഷ താപനില ചിലയിടങ്ങളിൽ 23 ഡിഗ്രിവരെ ഉയരാൻ സാദ്ധ്യതയുണ്ടെന്നാണ് മെറ്റ് ഐറാന്റെ വിലയിരുത്തൽ.
Discussion about this post
