ഡബ്ലിൻ: അയർലന്റിൽ മഴയുള്ള കാലാവസ്ഥ തുടരുന്നു. ഇന്നും വരും ദിവസങ്ങളിലും മഴ ലഭിക്കുന്ന കാലാവസ്ഥയായിരിക്കും അയർലന്റിൽ അനുഭവപ്പെടുകയെന്ന് മെറ്റ് ഐറാൻ അറിയിച്ചു. ജൂൺ വാരാന്ത്യ ബാങ്ക് അവധി ദിനങ്ങളിലും മഴയുണ്ടാകും.
ചൊവ്വാഴ്ച അയർലന്റിൽ മേഘാവൃതമായ ഈർപ്പമുള്ള കാലാവസ്ഥയാകും അനുഭവപ്പെടുക. രാവിലെ ശക്തമായ മഴയോ ചാറ്റൽ മഴയോ പ്രദേശങ്ങളിൽ അനുഭവപ്പെടാം. വൈകീട്ടോടെ മഴ കുറയും. എങ്കിലും മേഘാവൃതമായ അന്തരീക്ഷമാകും അനുഭവപ്പെടുക. 14 ഡിഗ്രി സെൽഷ്യസ് ആയിരിക്കും പകൽ നേരങ്ങളിൽ അനുഭവപ്പെടുന്ന പരമാവധി താപനില. രാത്രി കാലങ്ങളിൽ നല്ല തണുത്ത കാറ്റ് വീശും.
Discussion about this post
