ഡബ്ലിൻ: അയർലന്റിൽ ഉഷ്ണതരംഗത്തിന് സാദ്ധ്യതയുണ്ടെന്ന മുന്നറിയിപ്പുമായി മെറ്റ് ഐറാൻ. വരും ദിവസങ്ങളിൽ രാജ്യത്ത് അതിശക്തമായ ചൂട് ആകും അനുഭവപ്പെടുക. അന്തരീക്ഷ താപനില 28 ഡിഗ്രിവരെ ഉയരുമെന്നും മെറ്റ് ഐറാൻ അറിയിച്ചു. അതേസമയം നിലവിൽ പല യൂറോപ്യൻ രാജ്യങ്ങളും ഉഷ്ണതരംഗം നേരിടുന്നുണ്ട്.
അയർലന്റിന് മുകളിലായി ഉയർന്ന മർദ്ദം സ്ഥിതിചെയ്യുന്നുണ്ട്. ഇതാണ് ചൂട് കൂടിയ കാലാവസ്ഥയ്ക്ക് കാരണം ആകുന്നത്. സ്ഥിരതയുള്ള കാലാവസ്ഥ ഈ വാരം മുഴുവനും തുടരും. വ്യാഴാഴ്ചയെ തുടർന്നുള്ള ദിവസങ്ങളിൽ ആകും രാജ്യത്ത് റെക്കോർഡ് ചൂട് അനുഭവപ്പെടുകയെന്നും മെറ്റ് ഐറാൻ വ്യക്തമാക്കി.
Discussion about this post
