കോർക്ക്: ജൂണിലും യാത്രികരെക്കൊണ്ട് നിറഞ്ഞ് ഡബ്ലിൻ, കോർക്ക് വിമാനത്താവളങ്ങൾ. ഇരു വിമാനത്താവളങ്ങളിലും കഴിഞ്ഞ മാസം വലിയ തിരക്കാണ് അനുഭവപ്പെട്ടത് എന്നാണ് റിപ്പോർട്ടുകൾ. പുതിയ കണക്കുകൾ പ്രകാരം കഴിഞ്ഞ മാസം 3.54 മില്യൺ യാത്രികർ ഡബ്ലിൻ വിമാനത്താവളത്തിലൂടെ സഞ്ചരിച്ചു. കഴിഞ്ഞ വർഷം ജൂണുമായി താരതമ്യം ചെയ്യുമ്പോൾ യാത്ര ചെയ്തവരുടെ എണ്ണത്തിൽ 5.8 ശതമാനത്തിന്റെ വർദ്ധനവാണ് ഇക്കുറി ഉണ്ടായിരിക്കുന്നത്.
മാസത്തെ അവസാനത്തെ ഞായറാഴ്ചയായ 29 ന് ആയിരുന്നു ഏറ്റവും കൂടുതൽ ആളുകൾ ഡബ്ലിൻ വിമാനത്താവളത്തിൽ എത്തിയത്. അന്നേദിവസം 1, 29,000 യാത്രികർ വിമാനത്താവളത്തിൽ എത്തി. കഴിഞ്ഞ മാസം കോർക്ക് വിമാനത്താവളത്തിൽ 3,55,000 യാത്രികരാണ് എത്തിയത്. കഴിഞ്ഞ വർഷം ജൂണിലെ കണക്കുകളുമായി താരതമ്യം ചെയ്യുമ്പോൾ കോർക്കിലെത്തിയ യാത്രികരുടെ എണ്ണത്തിൽ 15 ശതമാനത്തിന്റെ വർദ്ധനവ ഉണ്ടായി.
Discussion about this post
