ഡബ്ലിൻ: ഡബ്ലിൻ സിറ്റി സെന്ററിൽവച്ച് അജ്ഞാതർ ആക്രമിച്ച യുവാവിന്റെ നില അതീവ ഗുതുരമായി തുടരുന്നു. ഡബ്ലിനിലെ ബ്യൂമൗണ്ട് ആശുപത്രിയിലെ തീവ്രപരിചരണ വിഭാഗത്തിലാണ് 40 കാരൻ ഇപ്പോൾ ചികിത്സയിലുള്ളത്. ഒരാഴ്ചയായിട്ടും ഇയാളുടെ ആരോഗ്യനിലയിൽ പുരോഗതിയില്ലെന്നാണ് സൂചന.
കഴിഞ്ഞ വെള്ളിയാഴ്ചയായിരുന്നു ഡബ്ലിൻ സിറ്റി സെന്ററിൽവച്ച് 40 കാരന് നേരെ ആക്രമണം ഉണ്ടായത്. വിവരം അറിഞ്ഞ് പോലീസ് എത്തി സാരമായി പരിക്കേറ്റ അദ്ദേഹത്തെ ആശുപത്രിയിൽ പ്രവേശിപ്പിക്കുകയായിരുന്നു. സംഭവത്തിൽ പോലീസ് ഊർജ്ജിത അന്വേഷണം തുടരുകയാണ്. ആക്രമണത്തെക്കുറിച്ച് എന്തെങ്കിലും അറിയുന്നവർ എത്രയും വേഗം അറിയിക്കണമെന്ന് പോലീസ് നിർദ്ദേശിച്ചു.
Discussion about this post
